Prezidenttik kadr rezervi jastar úshin áleýmettik liftige ainaldy. Mundai pikirdi QR Indýstriia jáne infraqurylymdyq damý ministrligi Kóp jaqty investitsiialyq yntymaqtastyq basqarmasynyń basshysy Erkebulan Boranbaev bildirdi, dep habarlaidy QazAqparat.
«Menińshe, bul bastama Qazaqstannyń talantty jastary úshin úlken múmkindik beredi. Osy jobaǵa qatysý arqyly jastar bilimderimen, tájiribelerimen ózara baq synady. Prezidenttik kadr rezervine tirkeýden 13 myń jas ótse, onyń ishinde 7 myń adam baiqaýǵa qatysyp, 300 adam «júzden júirik, myńnan tulpar» shyqty. Rezervke kirgen osy 300 jas aldaǵy ýaqytta óz áleýetin kórsete otyryp, elimizdiń qarqyndy damýy úshin úles qosýǵa biregei múmkindik aldy. Shyn máninde kadr rezervi jastar úshin áleýmettik liftige ainaldy», - dedi ol.
Jas rezervshiniń paiymynsha, baiqaý óte ádil ári taza ótti. Bastapqy 1-2 kezeńder kúrdeli boldy. Jalpy barlyq 7 kezeńniń óz erekshelikteri anyq baiqalyp turdy.
«Máselen, áńgimeles kezindegi daýys berý tájiribesimen alǵash ret tanys boldym. Shetelde bilim alsam da mundai áńgimelesý kezindegi daýys berýdiń sol sátte onlain ótýin birinshi ret kórdim. Áńgimelesý aiaqtalǵan kezde komissiia músheleri birden baǵalaryn berip, nátijesi daiyn turdy. Jalpy baiqaýdyń árbir kezeńi úlken daiyndyqty qajet etti. Iaǵni, árbir kandidatqa bilimin, tájiribesin kórsetýge barlyq múmkindik jasaldy», - dedi Erkebulan Boranbaev.
Onyń aitýynsha, konkýrs nátijesi shyqqannan keiin-aq rezervke kirgen jastarǵan ministrlikterden, jergilikti atqarýshy organdardan, «Qazaqstan temir joly» syndy ulttyq kompaniialardan laýazymdy qyzmetter usynylyp jatyr.
«Munyń ózi jastarǵa memlekettik qoldaýdyń bar ekendigin kórsetedi. Qazirgi ýaqytta QR Indýstriia jáne infraqurylymdyq damý ministrligi Kóp jaqty investitsiialyq yntymaqtastyq basqarmasynyń basshysy qyzmetin atqaramyn. Endi mine, Bilim jáne ǵylym ministrligi Halyqaralyq yntymaqtastyq departamentiniń direktory laýazymyna taǵaiyndaý buiryǵyn kútip otyrmyn», - dedi ol.
Aita keteiik, Batys Qazaqstan oblysynda dúniege kelgen Erkebulan Saǵatuly Ál-Farabi atyndaǵy Qazaq ulttyq ýniversitetin, Qazaq halyqaralyq saýda, qarjy jáne ekonomika ýniversitetin «Bolashaq» baǵdarlamasymen Ulybritaniianyń Gilford qalasyndaǵy Sýrrei ýniversitetiniń magistratýrasyn bitirgen. Eńbek jolyn 2010 jyly sol kezdegi QR Týrizm jáne sport ministrliginde sarapshy bolyp bastaǵan.
.jpeg)