Prezidenttiń baspasóz qyzmeti Aqordadaǵy foto jáne video túsirýge jaýapty mamandar týraly aitty, - dep habarlaidy "Ult aqparat".
"Prezidenttiń jeke fotografy – Amanqul Dúisenbaev. 1988 jyly dúniege kelgen. Ol Qasym-Jomart Toqaevpen Parlament Senatynyń tóraǵasy kezinen, iaǵni 2007 jyldan beri birge jumys istep keledi.
Taǵy bir jeke fotograf – Ǵani Ómirbekov. Ol 1987 jyly týǵan. Ǵanidyń QR Prezidentiniń Baspasóz qyzmetinde jumys istegenine 3 jylǵa jýyq ýaqyt boldy.
Qazaqstan Prezidentiniń Túrkiiaǵa memlekettik sapary kezinde áleýmettik jelilerdegi paraqshalarymyzda taralǵan videolardy jasaǵan – Ǵabiden Quryshbekov esimdi azamat. Ol 1994 jyly dúniege kelgen. Ǵabidenniń baspasóz qyzmetinde jańa formattaǵy asa jaýapty jumysty bastaǵanyna kóp ýaqyt ótken joq", - delingen Prezident baspasóz qyzmetiniń "Bort №1" Telegram-arnasynda.
