Energetika ministri Qanat Bozymbaev Memleket basshysynyń jariialaǵan sógisinen keiin syiaqydan qaǵylýy múmkin, - dep habarlaidy kaz.tengrinews.kz tilshisi. Bul týraly Prezident Ákimshiliginiń ókilderi redaktsiianyń saýalhatyna bergen jaýabynda aitqan.
2015 jyldyń 29 jeltoqsanyndaǵy № 152 jarlyǵyna sáikes, saiasi qyzmetshilerge tártiptik jaza qoldaný máselesi Memlekettik qyzmetshilerge tártipti jaza qoldaný erejelerimen bekitilgeni aitylady.
"Bul erejeler boiynsha sógis jariialaý túrindegi jaza qoldaný jumystan shyǵarýǵa, qyzmetten shettetýge nemese qyzmette qandai da bir tómendetýge jatpaidy", - dep habarlady Ákimshilik ókilderi.
Alaida ministrge qatysty qandai da bir sanktsiialar qoldanylady eken.
"Sonymen qatar, 2001 jyldyń 29 tamyzyndaǵy Memlekettik biýdjet qarajaty esebinen Qazaqstan Respýblikasy organdarynyń qyzmetkerlerine syilyq berý, materialdyq kómek kórsetý jáne laýazymdyq jalaqylaryna ústemeaqylar belgileý erejesin bekitý týraly №1127 qujatqa sáikes, onyń alyp tastalmaǵan tártiptik jazasynyń bar bolýyna bailanysty, syiaqy berilmeidi", - dep habarlady vedomstvo ókilderi.
Eske salaiyq, Nazarbaev 11 qazanda QR energetika ministri Bozymbaevqa sógis jariialaǵan edi. Keiin Elbasy sógis jariialaýdyń qyzmetten bosatylǵanmen birdei ekenin eskertken edi.
