Qaraǵandy oblysyndaǵy shahtada bolǵan apatqa bailanysty telefon qońyraýlary men kóńil aitý jedelhattary túsip jatyr, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa Túrkiia Prezidenti Rejep Taiip Erdoǵan qońyraý shalyp, Qaraǵandy oblysyndaǵy kómir shahtasynda bolǵan apat saldarynan kóptegen adamnyń qaza tabýyna bailanysty Memleket basshysyna jáne barsha qazaq halqyna qaiǵyryp kóńil aitty.
Áńgimelesý barysynda eki el basshylary 3 qarasha kúni Astana qalasynda ótetin Túrki memleketteri uiymy X sammitiniń kún tártibin talqylady.
Qasym-Jomart Toqaev Rejep Taiip Erdoǵandy jáne barsha túrik halqyn Túrkiia Respýblikasynyń 100 jyldyq mereitoiymen quttyqtady.
Tájikstan Prezidenti Emomali Rahmon da Memleket basshysy Qasym-Jomart Toqaevpen telefon arqyly sóilesip, Qaraǵandydaǵy ken ornynda bolǵan qaiǵyly oqiǵaǵa bailanysty kóńil aitty.
Sondai-aq kóńil aitý jedelhattaryn Iran Islam Respýblikasynyń Prezidenti Ibrahim Raisi, BAÁ Prezidenti sheih Muhammed ben Zaid Ál Nahaian, BAÁ Vitse-prezidenti, Premer-ministri, Dýbai ámirliginiń bileýshisi Muhammed ben Rashid Ál Maktým, BAÁ Vitse-prezidenti, Prezident Ákimshiliginiń basshysy Mansýr ben Zaid Ál Nahaian, ShYU Bas hatshysy Chjan Min, Túrki memleketteri uiymynyń Bas hatshysy Kýbanychbek Ómiráliev, BUU migratsiia jónindegi halyqaralyq uiymynyń bas direktory Emi Poýp jáne basqalar joldady.
