«Radima» Belarýs mádeni ortalyǵynyń tóraǵasy Dmitrii Ostankovich Memleket basshysy Qasym-Jomart Toqaevtyń «Habar» agenttigine bergen ekskliýzivti suhbatyna orai pikir bildirdi, dep habarlaidy QazAqparat.
«Prezident Qasym-Jomart Toqaev suhbat barysynda oryn alǵan qaiǵyly oqiǵalarǵa, eldegi munan arǵy saiasi jáne áleýmettik reformalarǵa, sonymen qatar Qazaqstannyń negizgi syrtqy saiasi seriktesterimen ózara qarym-qatynasyna bailanysty barlyq qazaqstandyqtar úshin óte mańyzdy birqatar saýalǵa jaýap berdi. Qańtar aiynyń basynda elimiz óte aýyr tótenshe jaǵdaiǵa tap boldy. Onyń eńserý jáne tiimdi sheshý úshin Qasym-Jomart Kemelulyna barynsha qatań, biraq ýaqytyly ári oryndy sheshim qabyldaýǵa týra keldi», - dedi ol.
Belarýs mádeni ortalyǵy tóraǵasynyń atap ótýinshe, zańǵa sai bastamalardy qolyna alyp, ahýaldy tolyq baqylaýynda ustady.
«Osynaý kúnderi Qazaqstannyń milliondaǵan azamaty Prezidenttiń telearnalar arqyly úndeýin qybyr etpesten tyńdadyjáne onyń sózi men isinen senimderi oiandy. Búginde biz elimizde eshkimniń de zańsyz jaýlyq pen úrei týdyra almaityndyǵyna nyq snimdimiz. Men Memleket basshysynyń eldi odan ary áleýmettik-ekonomikalyq damytýǵa qatysty usynǵan is-sharalaryn tolyǵymen qoldaimyn. Árbir qazaqstandyq óziniń jasampaz eńbegimen Táýelsiz Qazaqstanyń odan ári gúldene berýi úshin bar kúsh-jigerimen úles qosýy tiis dep sanaimyn», - dedi Dmitrii Ostankovich.
