Foto: Aqorda
Memleket basshysy Qasym-Jomart Toqaev Sankt-Peterbýrg qalasynda ótken Joǵary Eýraziialyq ekonomikalyq keńestiń (JEEK) kezekti otyrysyna qatysty, dep habarlaidy Ult.kz.
Kezdesýge Qazaqstan Prezidentimen birge Resei Federatsiiasynyń Prezidenti Vladimir Pýtin, Belarýs Respýblikasynyń Prezidenti Aleksandr Lýkashenko, Qyrǵyz Respýblikasynyń Prezidenti Sadyr Japarov, Armeniia Respýblikasynyń Premer-ministri Nikol Pashinian, sondai-aq Eýraziialyq ekonomikalyq komissiia alqasynyń tóraǵasy Baqytjan Saǵyntaev qatysty.
Keńes otyrysynda Eýraziialyq ekonomikalyq odaq jumysynyń kelesi jyly atqaratyn negizgi mindetteri men baǵyttary talqylandy.
Sonymen qatar jiynǵa qatysýshylar EAEO-nyń qazirgi qyzmetine bailanysty birqatar másele jóninde pikir almasty.
Budan keiin Memleket basshysy Joǵary Eýraziialyq ekonomikalyq keńestiń otyrysyna qatysyp, sóz sóiledi.
Memleket basshysy qonaqjailyq tanytyp, is-sharany joǵary deńgeide uiymdastyrǵany úshin Prezident Vladimir Pýtinge rizashylyǵyn bildirdi.
Sondai-aq Jańa jyl qarsańynda Peterbýrgtegi dástúrli kezdesý jyldy qortyndylap, aldaǵy kúnge jospar qurýǵa múmkindik beretinin atap ótti.
Prezident biyl Eýraziialyq ekonomikalyq odaq úshin mereili jyl bolǵanyn eske saldy. Uiym damýdyń ekinshi onjyldyǵyna batyl qadam basty.
Osy kezeń ishinde ózara saýda-cattyq turaqty túrde ósip, iri infraqurylym jobalary tabysty júzege asty jáne ónerkásip kooperatsiiasynyń aiasy keńeie tústi.
