فوتو: اقوردا
مەملەكەت باسشىسى قاسىم-جومارت توقاەۆ سانكت-پەتەربۋرگ قالاسىندا ٶتكەن جوعارى ەۋرازييالىق ەكونوميكالىق كەڭەستٸڭ (جەەك) كەزەكتٸ وتىرىسىنا قاتىستى, دەپ حابارلايدى Ult.kz.
كەزدەسۋگە قازاقستان پرەزيدەنتٸمەن بٸرگە رەسەي فەدەراتسيياسىنىڭ پرەزيدەنتٸ ۆلاديمير پۋتين, بەلارۋس رەسپۋبليكاسىنىڭ پرەزيدەنتٸ الەكساندر لۋكاشەنكو, قىرعىز رەسپۋبليكاسىنىڭ پرەزيدەنتٸ سادىر جاپاروۆ, ارمەنييا رەسپۋبليكاسىنىڭ پرەمەر-مينيسترٸ نيكول پاشينيان, سونداي-اق ەۋرازييالىق ەكونوميكالىق كوميسسييا القاسىنىڭ تٶراعاسى باقىتجان ساعىنتاەۆ قاتىستى.
كەڭەس وتىرىسىندا ەۋرازييالىق ەكونوميكالىق وداق جۇمىسىنىڭ كەلەسٸ جىلى اتقاراتىن نەگٸزگٸ مٸندەتتەرٸ مەن باعىتتارى تالقىلاندى.
سونىمەن قاتار جيىنعا قاتىسۋشىلار ەاەو-نىڭ قازٸرگٸ قىزمەتٸنە بايلانىستى بٸرقاتار مەسەلە جٶنٸندە پٸكٸر الماستى.
بۇدان كەيٸن مەملەكەت باسشىسى جوعارى ەۋرازييالىق ەكونوميكالىق كەڭەستٸڭ وتىرىسىنا قاتىسىپ, سٶز سٶيلەدٸ.
مەملەكەت باسشىسى قوناقجايلىق تانىتىپ, ٸس-شارانى جوعارى دەڭگەيدە ۇيىمداستىرعانى ٷشٸن پرەزيدەنت ۆلاديمير پۋتينگە ريزاشىلىعىن بٸلدٸردٸ.
سونداي-اق جاڭا جىل قارساڭىندا پەتەربۋرگتەگٸ دەستٷرلٸ كەزدەسۋ جىلدى قورتىندىلاپ, الداعى كٷنگە جوسپار قۇرۋعا مٷمكٸندٸك بەرەتٸنٸن اتاپ ٶتتٸ.
پرەزيدەنت بيىل ەۋرازييالىق ەكونوميكالىق وداق ٷشٸن مەرەيلٸ جىل بولعانىن ەسكە سالدى. ۇيىم دامۋدىڭ ەكٸنشٸ ونجىلدىعىنا باتىل قادام باستى.
وسى كەزەڭ ٸشٸندە ٶزارا ساۋدا-cاتتىق تۇراقتى تٷردە ٶسٸپ, ٸرٸ ينفراقۇرىلىم جوبالارى تابىستى جٷزەگە استى جەنە ٶنەركەسٸپ كووپەراتسيياسىنىڭ اياسى كەڭەيە تٷستٸ.
