Otandyq Fintech qyzmetterdiń damýy men eksportynyń aitarlyqtai áleýmeti bar. Bul týraly Sheteldik investorlar keńesiniń 33-jalpy otyrysynda QR Prezidenti Qasym-Jomart Toqaev aitty, dep habarlaidy QazAqparat.
«2020 jyl otandyq Fintech salasyndaǵy jetistiktermen belgili boldy. Ótken jyly qazaqstandyq Kaspi.kz Fintech-kompaniiasy London qor birjasynda IRO ótkizdi. Kompaniia qazirgi sátte naryqtyq kapitaldanýy 17 mlrd dollarǵa jetken elimizdegi eń qymbat jariia kompaniiaǵa ainaldy. Buǵan qosa, oǵan investitsiia AQSh, Eýropa, Aziianyń jahandyq investitsiialyq qorlarynan kelip otyr. Bul otandyq Fintech qyzmetterdiń damýy men eksportynyń aitarlyqtai áleýeti bar ekendigin bildiredi», - dedi QR Prezidenti.
Memleket basshysynyń atap ótýinshe, «Astana» halyqaralyq qarjy ortalyǵy bazasynda FinTech Lab retteýshi qumsalǵyshy iske qosyldy. Onyń aiasynda innovatsiialyq qyzmetterdiń 7 túri kórsetiledi.
«Úkimet KPMG kompaniiasynyń jetekshi halyqaralyq tehnologiialyq kompaniialardy jumys ótili bar qazaqstandyqtardy tartý jáne damytý baǵdarlamasyn iske qosý jónindegi bastamasyn qoldaýy qajet dep eepteimin. Doiche banktiń Environmental, social and governance-pen bailanysty jasyl obligatsiialar jáne qarjy quraldaryn keńinen iske qosý usynysy da tartymdy. Ulttyq bankke, Qarjylyq retteý agenttigine jáne «Astana» halyqaralyq qarjy ortalyǵyna Doiche banktiń usynysyn zerdeleýdi jáne Qazaqstanda jasyl investitsiialar naryǵyn keńeitý boiynsha naqty usynys engizýdi tapsyramyn», - dedi Qasym-Jomart Toqaev.
