Jastar men qabiletti kadrlarǵa jol bermeýimiz - úlken kemshiligimiz. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Saiasi kadrlardy daiyndaý. Partiiamyz kadrlar ustahanasyna ainalyp, sailaýshylarmen jumys istei alatyn qazirgi zaman saiasatkerlerin jáne memlekettik qyzmetshilerdi daiyndaýy tiis. Ashyǵyn aitsaq, búginde bizde saiasi menedjerlerdi daiyndaý isi aqsap tur. Qazirgi jaǵdaida saiasi basshylar túrli mamandyq ielerimen, jastarmen, jýrnalistermen, halqymyzdyń barlyq ókilimen sóilese bilýi tiis. Jáne de mundai adamdar bizde az emes. Bir ǵana problema – ol áleýmettik liftiniń joqtyǵy. Biz jastar men qabiletti kadrlarǵa jol bermeimiz jáne bul bizdiń úlken kemshiligimiz», - dedi Memleket basshysy «AMANAT» partiiasynyń kezekten tys sezinde.
QR Prezidenti partiia qurylymynda saiasi menedjment akademiiasy jumys isteitindigin jáne onyń jumysyn kúsheitý qajettigin basa aitty.
«Birrettik seminarlar men treningterden depýtattardy, ákimderdi, ministrlerdi jáne ózge de partiiadan usynylatyndardy daiyndaityn tolyqqandy baǵdarlamaǵa kóshý kerek. Jergilikti jerlerde partiialyq aktivterdi oqytý úshin kóshpeli treningterdi de júieli túrde ótkizgen jón. Men aitqan barlyq mindetterdi barynsha qysqa merzimde oryndaý qajet bolady. Sailaýshylardyń partiiaǵa senimin arttyrý úshin jumystyń burynǵy formaldy ádisinen bas tartý kerek», - dedi Qasym-Jomart Toqaev.
