Foto: almatysite.kz
Prezident Qasym-Jomart Toqaev Ulttyq quryltaidyń IV otyrysynda appai tsifrlandyrý men jasandy intellektini barlyq salaǵa keńinen engizý máselesine únemi nazar aýdaratynyn atap ótti, dep habarlaidy Ult.kz.
Memleket basshysynyń sózinshe, qazir qai eldiń jańa tehnologiialardy óz paidasyna jarata alatyny, qai eldiń kósh sońynda qalatyny anyqtalyp jatqan sheshýshi kezeńge qadam bastyq.
«Ekonomikanyń barlyq salasy jáne eńbek naryǵy jasandy intellektiniń tikelei qatysýymen túbegeili ózgerip jatyr. Adamzat tirshiliginiń máni men qalyby basqasha sipat alyp barady. Osy oraida innovatsiialar ekonomikasy degen jańa qubylys paida boldy. Onda ózgeshe oilaý qabileti, shyǵarmashylyq turǵydaǵy jańashyldyq jáne áleýmettik daǵdylar aldyńǵy qatarǵa shyǵady. Jasandy intellektini qoldaný biýdjet qarajatyn paidalaný tiimdiligin barynsha arttyrýǵa, salyq jáne keden isin júrgizýdiń sapasyn jaqsartýǵa, memlekettik satyp alý salasyn ońtailandyrýǵa, sondai-aq azamattar men memleket arasyndaǵy ózara is-qimyl úrdisteriniń bárin odan ári jeńildetýge múmkindik beredi. Quzyrly memlekettik organdar sarapshylarmen jáne IT-mamandarmen qoian-qoltyq jumys istei otyryp, artyq shyǵyndardy azaitýǵa, barlyq salanyń ashyqtyǵyn qamtamasyz etip, ónimdiligin arttyrýǵa arnalǵan tyń tásilder izdep taýyp, ony qoldanysqa engizip otyrýǵa tiis», dedi Qasym-Jomart Toqaev.
Sondai-aq, Memleket basshysy bul máseleni erekshe baqylaýda ustaitynyn aitty.
