Qasym-Jomart Toqaev «Januia» otbasyn qoldaý institýty ortalyǵyna bardy, dep habarlaidy "Ult aqparat" Aqordaǵa silteme jasap.
Memleket basshysy astanalyq otbasylarǵa «bir tereze» qaǵidaty boiynsha zańgerlik, psihologiialyq, áleýmettik qyzmet kórsetetin ortalyqtyń jumysymen tanysty. Bul jerde densaýlyq saqtaý, bilim berý, kásipkerlik, ataýly áleýmettik kómek alý jáne turǵyn úi baǵdarlamalarynyń oryndalýy jaiynda keńes alýǵa bolady.
«Januia» ortalyǵynyń bastamalaryn joǵary baǵalaǵan Memleket basshysy atalǵan mekemeniń tájiribesin elimizdiń barlyq aimaqtarynda iske asyrý kerek ekenin aitty.
Sonymen qatar Prezident ortalyqtyń bazasynda iske asyp jatqan «Kásipker ana» jobasynyń qatysýshylarymen de áńgimelesti.
– Bizdiń elimizde jumys istep, jetistikke jetkisi keletin adam – onyń jolyn izdeidi jáne tabady. «Izdegen jeter muratqa», – dedi Qasym-Jomart Toqaev.
