Prezident jańa reformalar toptamasyn usyndy. Bul týraly Aqparat jáne qoǵamdyq damý ministrligi uiymdastyrǵan QR Prezidenti Joldaýy aiasyndaǵy áleýmettik basymdyqtardy talqylaýǵa arnalǵan dóńgelek ústel otyrysynda aityldy, dep habarlaidy QazAqparat.
«Shyn máninde Prezident memleket pen qoǵamnyń eń ózekti problemalary boiynsha sheshimder keshenin toptastyratyn jańa reformalar josparyn usyndy. Bul máseleler kóptegen adamdy tolǵandyrady. Olar aitylyp ta, talqylanyp ta júr. Osylaisha, ár adamnyń kókeiinde júr edi. Iaǵni, Prezident Joldaýynyń mysalynan-aq «estitin memleket» tujyrymdamasynyń qanshalyqty tiimdi jumys isteitindigin kórip otyrmyz», - dedi ol Memleket basshysy Joldaýyn talqylaýǵa arnalǵan onlain dóńgelek ústel otyrysynda.
Ministrdiń aitýynsha, eń aldymen Memleket basshysy 11 iri blokqa bóle otyryp, jalpymemlekettik sharalardyń negizgi baǵyttaryn aiqyndap berdi. Olar: ekonomika, memlekettik basqarý, aýmaqtyq damý, tsifrlandyrý, bilim berý, densaýlyq saqtaý, ekologiia, quqyq qorǵaý júiesi, áleýmettik saiasat, jańa qoǵamdyq qundylyqtar qalyptastyr jáne saiasi reformalar taqyryby.
«Bul salalardyń barlyǵynda da úlken jumystar turǵandyǵy sózsiz. Degenmen, eń mańyzdysy – bul jumys koronavirýs infektsiiasy indeti jaǵdaiynda júrgiziledi. Bul Prezident Joldaýynyń ideialary men negizgi erejeleri tóńiregine qoǵamnyń shoǵyrlanýyn talap etedi. Eger negizgi máselelerge toqtalar bolsaq, qoǵamdyq-sasi salada óte baiypty bastamalar kóterildi. Aýyl ákimderin tikelei sailaý jolymen jergilikti ózin-ózi basqarýdy damytý nemese indet kezinde óziniń tiimdiligin kórsetken qoǵamdyq baqylaýdy sapaly jańa deńgeige kóterý syndy baǵyttardy atap ótim keledi. Quqyq qorǵaý júiesinde, jekelei alǵanda adam quqyǵyna qatysty máseleler toptamasyna erekshe nazar aýdaryldy. Buǵan qosa, óńirlerdi damytý salasynda óte mańyzdy qadam jasaldy. Budan keiin eldiń aýmaqtyq damýy óńir erekshelikterine basymdyq berile otyryp júzege asyrylady», - dedi Aida Balaeva.
