Memleket basshysy Qarjy ministri Erulan Jamaýbaevty qabyldady, dep habarlaidy Aqorda.
Erulan Jamaýbaev Qasym-Jomart Toqaevqa Qarjy ministrliginiń negizgi jumystary týraly esep berdi.
Atap aitqanda Qazaqstan Prezidentine respýblikalyq biýdjettiń oryndalýy men josparlanýy, memlekettik satyp alýlar men qazynashylyq qyzmet kórsetý isiniń júzege asyrylýy, memlekettik aýdit júrgizý, memlekettik aktivterdi basqarý, salyq jáne keden salalaryn ákimshilendirý, sondai-aq, qarjylyq quqyq buzýshylyqtardy anyqtaý jaiynda baiandaldy.
Memleket basshysy kóleńkeli ekonomikaǵa qarsy kúres, salyq kólemin ósirý, biýdjettik rásimderdi ońtailandyrý, kórsetiletin memlekettik qyzmet túrleriniń sapasyn arttyrý jáne qaryzdyq shekteýlerdi saqtaý baǵytynda júieli jumys júrgizý qajettigin aitty.
Kezdesý sońynda Qasym-Jomart Toqaev salyq jáne keden salalaryn ákimshilendirý, memlekettik satyp alý jáne biýdjet úderisine qatysty zańnamalardy jetildirý máseleleri boiynsha birqatar naqty tapsyrma berdi.
Eske salsaq, 18 mamyr kúni Erulan Jamaýbaev QR Qarjy ministri bolyp taǵaiyndalǵan edi.
