1. Almaty oblysynyń ákimshilik ortalyǵy Taldyqorǵan qalasynan Qonaev qalasyna kóshirilsin.
2. Mynalar:
- Shyǵys Qazaqstan oblysynyń quramynan Aqsýat, Abai, Aiagóz, Besqaraǵai, Borodýliha, Jarma, Úrjar, Kókpekti aýdandaryn, Semei jáne Kýrchatov qalalaryn bólý jolymen ákimshilik ortalyǵy Semei qalasynda ornalasatyn Abai oblysy;
- Almaty oblysynyń quramynan Aqsý, Alakól, Eskeldi, Qaratal, Kerbulaq, Kóksý, Panfilov, Sarqan aýdandaryn, Taldyqorǵan jáne Tekeli qalalaryn bólý jolymen ákimshilik ortalyǵy Taldyqorǵan qalasynda ornalasatyn Jetisý oblysy;
- Qaraǵandy oblysynyń quramynan Jańaarqa, Ulytaý aýdandaryn, Jezqazǵan, Qarajal jáne Sátbaev qalalaryn bólý jolymen ákimshilik ortalyǵy Jezqazǵan qalasynda ornalasatyn Ulytaý oblysy qurylsyn.
3. Almaty oblysynyń jergilikti ókildi jáne atqarýshy organdary, sondai-aq ortalyq memlekettik organdardyń aýmaqtyq bólimsheleri men vedomstvolyq baǵynysty mekemeleri Qonaev qalasyna kóshirilgenge deiin Taldyqorǵan qalasynda ornalasady dep belgilensin.
4. Qazaqstan Respýblikasynyń Úkimeti Qazaqstan Respýblikasynyń Joǵarǵy Sotymen, Qazaqstan Respýblikasynyń Joǵary Sot Keńesimen, Qazaqstan Respýblikasynyń Prezidentine tikelei baǵynatyn jáne esep beretin memlekettik organdarmen birlesip, bir ai merzimde uiymdastyrý is-sharalarynyń josparyn (jol kartasyn) bekitsin jáne osy Jarlyqty iske asyrý jóninde ózge de sharalardy qabyldasyn.
5. Ortalyq memlekettik organdar, Abai, Jetisý, Ulytaý oblystarynyń, sondai-aq Shyǵys Qazaqstan, Almaty, Qaraǵandy oblystarynyń jergilikti ókildi jáne atqarýshy organdary ortalyq memlekettik organdardyń tiisti aýmaqtyq bólimsheleriniń, jergilikti ókildi jáne atqarýshy organdar men uiymdardyń irkilissiz jáne tiimdi jumys isteýin qamtamasyz etý jóninde sharalardy qabyldasyn", - delingen Jarlyqta.
Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelgen.
Jarlyq 2022 jylǵy 8 maýsymnan bastap qoldanysqa engiziledi jáne resmi jariialanýǵa tiis.
