Ulttyq jobalarǵa túzetýler engizilýi múmkin. Biraq bólingen qarajat pen kútiletin nátijesi ózgertilmeidi. QR Prezidenti Ákimshiligi basshysynyń birinshi orynbasary Dáýren Abaev «Ashyq dialog-2» suhbatynyń kezekti sanynda osyndai pikir bildirdi, dep habarlaidy QazAqparat.
«Ulttyq jobalardyń taǵy bir erekshe súzgisi – adamdarǵa baǵyttalýynda. Memleket basshysy bul týraly da aitqan bolatyn. Osynaý 10 ulttyq joba negizgi qoǵamdyq igilik dep aitýǵa bolady. Onyń árbir azamatqa qatysy bar. Ár azamattyń turmysyn, ómirine qanaǵattaný deńgeiin, bilimi men densaýlyǵyn, ekologiiany, memlekettik qyzmetterdi, qaýipsizdikti, tipti dastarhandaǵy asymyzǵa deiin osy Ulttyq jobalar aiqyndaidy. Azamattar bul arqyly Úkimettiń áreketteri olardyń kúndelikti shyndyǵymen qanshalyqty sáikesetinin túsinýi kerek», - dedi Prezident ákimshiligi basshysynyń birinshi orynbasary.
Sondai-aq, ol jobalardyń iske asýyn Prezident Ákimshiligi qadaǵalap, qajet bolsa Prezident tapsyrmasymen túzetýler engizilip otyratynyn aitty.
«Birinshiden, Ulttyq jobalardyń iske asyrylýyna Prezident ákimshiligi tarapynan da, jobalyq keńse tarapynan da turaqty monitoring júrgiziledi. Bul turǵyda Ulttyq jobalar áldeqaida ikemdi qural deýge bolady. Ondaǵy kez kelgen dúnieni ózgertýge bolady. Tek kútiletin nátijeler men bólingen qarajatty ǵana ózgertýge bolmaidy. Onyń ústine Ulttyq jobalardyń iske asýyna jalpy saiasat turǵysynan Prezidenttiń kóńili tolmasa, túzetý engizý úshin tapsyrmalar bere alady. Bul Joldaý nemese Úkimettiń keńeitilgen otyrystary aiasynda jariia túrde de, jekelegen tapsyrmalar túrinde de aitylýy múmkin», - dedi Dáýren Abaev.
