ۇلتتىق جوبالارعا تٷزەتۋلەر ەنگٸزٸلۋٸ مٷمكٸن. بٸراق بٶلٸنگەن قاراجات پەن كٷتٸلەتٸن نەتيجەسٸ ٶزگەرتٸلمەيدٸ. قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ «اشىق ديالوگ-2» سۇحباتىنىڭ كەزەكتٸ سانىندا وسىنداي پٸكٸر بٸلدٸردٸ, دەپ حابارلايدى قازاقپارات.
«ۇلتتىق جوبالاردىڭ تاعى بٸر ەرەكشە سٷزگٸسٸ – ادامدارعا باعىتتالۋىندا. مەملەكەت باسشىسى بۇل تۋرالى دا ايتقان بولاتىن. وسىناۋ 10 ۇلتتىق جوبا نەگٸزگٸ قوعامدىق يگٸلٸك دەپ ايتۋعا بولادى. ونىڭ ەربٸر ازاماتقا قاتىسى بار. ەر ازاماتتىڭ تۇرمىسىن, ٶمٸرٸنە قاناعاتتانۋ دەڭگەيٸن, بٸلٸمٸ مەن دەنساۋلىعىن, ەكولوگييانى, مەملەكەتتٸك قىزمەتتەردٸ, قاۋٸپسٸزدٸكتٸ, تٸپتٸ داستارحانداعى اسىمىزعا دەيٸن وسى ۇلتتىق جوبالار ايقىندايدى. ازاماتتار بۇل ارقىلى ٷكٸمەتتٸڭ ەرەكەتتەرٸ ولاردىڭ كٷندەلٸكتٸ شىندىعىمەن قانشالىقتى سەيكەسەتٸنٸن تٷسٸنۋٸ كەرەك», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
سونداي-اق, ول جوبالاردىڭ ٸسكە اسۋىن پرەزيدەنت ەكٸمشٸلٸگٸ قاداعالاپ, قاجەت بولسا پرەزيدەنت تاپسىرماسىمەن تٷزەتۋلەر ەنگٸزٸلٸپ وتىراتىنىن ايتتى.
«بٸرٸنشٸدەن, ۇلتتىق جوبالاردىڭ ٸسكە اسىرىلۋىنا پرەزيدەنت ەكٸمشٸلٸگٸ تاراپىنان دا, جوبالىق كەڭسە تاراپىنان دا تۇراقتى مونيتورينگ جٷرگٸزٸلەدٸ. بۇل تۇرعىدا ۇلتتىق جوبالار ەلدەقايدا يكەمدٸ قۇرال دەۋگە بولادى. ونداعى كەز كەلگەن دٷنيەنٸ ٶزگەرتۋگە بولادى. تەك كٷتٸلەتٸن نەتيجەلەر مەن بٶلٸنگەن قاراجاتتى عانا ٶزگەرتۋگە بولمايدى. ونىڭ ٷستٸنە ۇلتتىق جوبالاردىڭ ٸسكە اسۋىنا جالپى ساياسات تۇرعىسىنان پرەزيدەنتتٸڭ كٶڭٸلٸ تولماسا, تٷزەتۋ ەنگٸزۋ ٷشٸن تاپسىرمالار بەرە الادى. بۇل جولداۋ نەمەسە ٷكٸمەتتٸڭ كەڭەيتٸلگەن وتىرىستارى اياسىندا جارييا تٷردە دە, جەكەلەگەن تاپسىرمالار تٷرٸندە دە ايتىلۋى مٷمكٸن», - دەدٸ دەۋرەن اباەۆ.
