Prezidenttiń biylǵy joldaýy erekshe boldy. Buryn jabylyp qalǵan oblystardy qaita qurý týraly sheshimi halyqtyń kóńilin kóterip, rýhtandyryp jiberdi. Mundai pikirdi aqyn, Qazaqstan jazýshylar odaǵynyń tóraǵasy Ulyqbek Esdáýlet bildirdi, dep habarlaidy QazAqparat.
«Prezidenttiń biylǵy joldaýy erekshe boldy. Buryn jabylyp qalǵan oblystardy qaita qurý týraly sheshimi halyqtyń kóńilin kóterip, rýhtandyryp jiberdi. Semeidi - Abai, Taldyqorǵandy - Jetisý, Jezqazǵandy - Ulytaý, Almaty oblysynyń ortalyǵyna D. Qonaevtyń atyn berýdi usyndy. Men bul úlken qadam jáne jaqsy jańalyq boldy dep oilaimyn. Memleket basshysy turǵyndardyń kókeiinde júrgen alýan túrli saýalǵa jaýap berdi», - deidi aqyn.
Sonymen qatar, ol Prezidenttiń Qazaqstan halqyna Joldaýyn iske asyrý úshin Konstitýtsiiaǵa 30-dan astam ózgeris engiziletinin tilge tiek etti.
«Konstitýtsiiaǵa 30-dan astam ózgeris engiziletin boldy. Bul da batyl qadam. Sonyń ishinde tilge qatysty zań qabyldansa eken degen tilek bar. Prezident Qasym–Jomart Toqaev ulttyq múddege, halyqqa degen adaldyǵyn taǵy bir márte kórsetti. Qaitalap aitam, Memleket basshysynyń búgingi joldaýy halyqtyń eńsesin kóterip, Qazaqstannyń damýyna úles qosýǵa degen qulshynysyn oiatty», - deidi Qazaqstan jazýshylar odaǵynyń tóraǵasy Ulyqbek Esdáýlet.
