© Sputnik / Vladislav Vodnev
Memleket basshysynyń Jarlyǵymen Qazaqstan Respýblikasy Prezidentiniń janyndaǵy Ulttyq quryltai quryldy, dep habarlaidy "Ult aqparat" Aqordaǵa silteme jasap.
***
Qazaqstan Respýblikasy Prezidentiniń janyndaǵy Ulttyq quryltaidy qurý jáne Qazaqstan Respýblikasy Prezidentiniń keibir jarlyqtarynyń kúshi joiyldy dep taný týraly
Qazaqstan Respýblikasy Konstitýtsiiasynyń 44-baby 20) tarmaqshasyna səikes QAÝLY ETEMIN:
1. Qazaqstan Respýblikasy Prezidentiniń janyndaǵy Ulttyq quryltai qurylsyn.
2. Qosa berilip otyrǵan:
1) Qazaqstan Respýblikasy Prezidentiniń janyndaǵy Ulttyq quryltai týraly ereje;
2) Qazaqstan Respýblikasy Prezidentiniń janyndaǵy Ulttyq quryltaidyń quramy bekitilsin.
3. Osy Jarlyqqa qosymshaǵa sáikes Qazaqstan Respýblikasy Prezidentiniń keibir jarlyqtarynyń kúshi joiyldy dep tanylsyn.
4. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q. Toqaev
Nur-Sultan, Aqorda,
2022 jylǵy 14 maýsym
№ 930
Qazaqstan Respýblikasy Prezidentiniń
2022 jylǵy 14 maýsymdaǵy
№ 930 Jarlyǵymen
BEKITILGEN
Qazaqstan Respýblikasy Prezidentiniń janyndaǵy
Ulttyq quryltai týraly
EREJE
1. Jalpy erejeler
1. Qazaqstan Respýblikasy Prezidentiniń janyndaǵy Ulttyq quryltai (budan ári – Ulttyq quryltai) Qazaqstan Respýblikasynyń Prezidenti janyndaǵy konsýltativtik-keńesshi organ bolyp tabylady.
2. Ulttyq quryltai qyzmetiniń negizgi maqsaty qoǵamdyq birigýdi odan ári damytý jónindegi ideialar men qadamdardy tujyrymdaý bolyp tabylady.
3. Ulttyq quryltai óz qyzmetinde Qazaqstan Respýblikasynyń Konstitýtsiiasyn, zańdaryn, Qazaqstan Respýblikasy Prezidentiniń aktilerin, ózge de normativtik quqyqtyq aktilerdi, sondai-aq osy erejeni basshylyqqa alady.
2. Ulttyq quryltaidyń negizgi mindetteri
4. Ulttyq quryltaidyń negizgi mindetteri:
qoǵamdyq birigýdi damytý, jalpyulttyq qundylyqtardy ilgeriletý jáne nyǵaitý boiynsha usynystardy tujyrymdaý jáne engizý;
jurtshylyqtyń, saiasi partiialardyń, úkimettik emes sektor men memlekettik organdardyń ókilderi arasynda syndarly dialogty qamtamasyz etý;
óz quzyretiniń sheńberinde Qazaqstan Respýblikasynyń zańnamasyna qaishy kelmeitin ózge de qyzmetti júzege asyrý bolyp tabylady.
3. Ulttyq quryltaidyń quramy
5. Ulttyq quryltai Ulttyq quryltaidyń Tóraǵasynan, onyń eki orynbasarynan, múshelerden jáne hatshydan turady.
6. Qazaqstan Respýblikasynyń Prezidenti Ulttyq quryltaidyń Tóraǵasy (budan ári – Tóraǵa) bolyp tabylady.
7. Tóraǵa:
Ulttyq quryltaidyń qyzmetine jalpy basshylyqty júzege asyrady;
Ulttyq quryltaidyń otyrystaryn ótkizý orny men ýaqytyn aiqyndaidy;
Tóraǵanyń orynbasarlaryna, Ulttyq quryltaidyń múshelerine jáne hatshysyna tapsyrma beredi.
8. Qazaqstan Respýblikasynyń Memlekettik keńesshisi Ulttyq quryltai Tóraǵasynyń orynbasary bolyp tabylady, onyń otyrystarynyń kún tártibin bekitedi jáne Tóraǵanyń tapsyrmalary boiynsha ózge de ókilettikterdi júzege asyrady.
9. Ulttyq quryltaidyń quramy belgili memleket jáne qoǵam qairatkerleriniń, saiasi partiialar, úkimettik emes sektor, biznes-qaýymdastyqtar, sarapshylar qoǵamdastyǵy jáne oblystardyń, respýblikalyq mańyzy bar qalalardyń, astananyń qoǵamdyq keńesteri ókilderiniń qatarynan jasaqtalady. Ulttyq quryltaidyń quramy kezeń-kezeńmen, onyń múshelerine rotatsiia júrgizý tártibimen jańartylyp turady.
10. Ulttyq quryltaidyń músheleri:
Ulttyq quryltaidyń jumys organyna Ulttyq quryltaidyń jumys jospary, onyń otyrystarynyń kún tártibi jáne máselelerdi talqylaý tártibi jóninde usynystar engizýge;
Ulttyq quryltaidyń otyrystaryna materialdardy daiyndaýǵa qatysýǵa;
Ulttyq quryltaidyń otyrysynda qaralatyn máselelerdi qoǵamda talqylaýǵa jáne túsindirýge qatysýǵa quqyly.
Ulttyq quryltaidyń músheleri óz ókilettikterin basqa adamdarǵa berýge quqyly emes.
11. Ulttyq quryltaidyń hatshysy:
jekelegen jumys túrlerin júzege asyrý úshin sarapshylardy, ǵalymdar men mamandardy belgilengen tártippen tartady;
Ulttyq quryltai otyrystarynyń daiyndalýy men ótkizilýin uiymdastyrýdy qamtamasyz etedi;
Tóraǵanyń jáne Tóraǵa orynbasarlarynyń tapsyrmalary boiynsha ózge de ókilettikterdi júzege asyrady.
4. Ulttyq quryltaidyń qyzmetin uiymdastyrý
12. Ulttyq quryltaidyń otyrystary qajettigine qarai, biraq jylyna keminde bir ret ótkiziledi.
Eger Ulttyq quryltaidyń otyrysyna onyń músheleriniń jalpy sanynyń keminde jartysy qatyssa, onyń quqyqtyq kúshi bar bolyp tabylady.
13. Ulttyq quryltaidyń usynymdary men usynystary Tóraǵa qol qoiatyn hattamamen resimdeledi.
14. Ulttyq quryltaidyń usynymdary men usynystaryn alǵan memlekettik organdar, sondai-aq qoǵamdyq birlestikter olardy qaraidy jáne qabyldanǵan sharalar týraly Ulttyq quryltaidy Qazaqstan Respýblikasynyń zańnamasynda belgilengen tártippen habardar etedi.
15. Ulttyq quryltaida talqylanatyn memlekettik saiasattyń ózekti máseleleri men Ulttyq quryltaidyń otyrystarynda qabyldanǵan usynymdar men usynystar jurtshylyqtyń nazaryna buqaralyq aqparat quraldary arqyly jetkiziledi, sondai-aq Internet jelisinde ornalastyrylady.
16. Ulttyq quryltaidyń otyrystaryna Tóraǵanyń sheshimi boiynsha Ulttyq quryltaidyń músheleri bolyp tabylmaityn laýazymdy adamdar, sondai-aq qoǵamdyq uiymdardyń, buqaralyq aqparat quraldarynyń ókilderi shaqyrylýy múmkin.
5. Ulttyq quryltaidyń qyzmetin qamtamasyz etý
17. Qazaqstan Respýblikasynyń Aqparat jáne qoǵamdyq damý ministrligi Ulttyq quryltaidyń jumys organy bolyp tabylady.
18. Ulttyq quryltaidyń jumys organy:
Ulttyq quryltai otyrystarynyń kún tártibi men baǵdarlamasynyń jobasyn qalyptastyrady;
Ulttyq quryltaidyń otyrystaryna materialdardy, sondai-aq hattamalyq usynymdar men usynystardyń jobalaryn daiyndaýdy uiymdastyrady;
Ulttyq quryltaidyń múshelerine Ulttyq quryltaidyń kezekti otyrysynyń ótetin orny, ýaqyty jáne kún tártibi týraly habarlaidy, olardy qajetti materialdarmen ýaqtyly qamtamasyz etedi;
Ulttyq quryltaidyń qyzmetin aqparattyq-taldamalyq qamtamasyz etýdi júzege asyrady;
júktelgen mindetterdi oryndaýǵa qajetti aqparatty, qujattar men materialdardy memlekettik organdar men uiymdardan suratady jáne alady;
Ulttyq quryltai qabyldaǵan usynymdar men usynystardyń iske asyrylý monitoringin júzege asyrady;
Ulttyq quryltai qyzmetiniń sheńberinde buqaralyq aqparat quraldarymen ózara is-qimyl jasaidy;
Ulttyq quryltaidyń qyzmetin qamtamasyz etýge qajetti ózge de ókilettikterdi júzege asyrady.
Qazaqstan Respýblikasy
Prezidentiniń
2022 jylǵy 14 maýsymdaǵy
№ 930 Jarlyǵyna
QOSYMShA
Qazaqstan Respýblikasy Prezidentiniń kúshi joiylǵan
keibir jarlyqtarynyń
TIZBESI
1. «Qazaqstan Respýblikasy Prezidentiniń janyndaǵy Ulttyq qoǵamdyq senim keńesin qurý týraly» Qazaqstan Respýblikasy Prezidentiniń 2019 jylǵy 12 maýsymdaǵy № 3 Jarlyǵy.
2. «Qazaqstan Respýblikasy Prezidentiniń janyndaǵy Ulttyq qoǵamdyq senim keńesiniń erejesin jáne quramyn bekitý týraly» Qazaqstan Respýblikasy Prezidentiniń 2019 jylǵy 17 shildedegi № 63 Jarlyǵy.
3. «Qazaqstan Respýblikasy Prezidentiniń janyndaǵy Ulttyq qoǵamdyq senim keńesiniń erejesin jáne quramyn bekitý týraly» Qazaqstan Respýblikasy Prezidentiniń 2019 jylǵy 17 shildedegi № 63 Jarlyǵyna ózgerister engizý týraly» Qazaqstan Respýblikasy Prezidentiniń 2020 jylǵy 22 aqpandaǵy № 268 Jarlyǵy.
4. «Qazaqstan Respýblikasy Prezidentiniń keibir jarlyqtaryna ózgerister men tolyqtyrý engizý týraly» Qazaqstan Respýblikasy Prezidentiniń 2022 jylǵy 8 aqpandaǵy № 806 Jarlyǵynyń 1-tarmaǵynyń 4) tarmaqshasy.
