Foto: Akorda.kz
Prezident Ulttyq bank tóraǵasy Ǵalymjan Pirmatovty qabyldady, - dep habarlaidy "Ult aqparat" Aqorda saityna silteme jasap.
Memleket basshysyna Ulttyq banktiń osy jyldyń birinshi toqsanyndaǵy aqsha-kredit saiasatyn iske asyrý qorytyndysy týraly esep berildi.
Prezidentke Qazaqstannyń ekonomikasy men qarjy sektoryndaǵy ahýal, iskerlik belsendiliktiń jaqsarýy, depozit naryǵynyń dinamikasy, sondai-aq BJZQ-nyń, Ulttyq qordyń aktivteri men altyn-valiýta rezervteriniń jaǵdaiy týraly baiandaldy.
Ǵalymjan Pirmatov ai saiynǵy jáne bazalyq infliatsiianyń tómendegenin jáne retteýshiniń buǵan deiin jasaǵan boljamdaryna sáikes kelip otyrǵanyn jetkizdi. Sonymen qatar infliatsiia deńgeii áli de joǵary kúiinde qalyp otyr. Bul qazirgi aqsha-kredit sharttaryn saqtaýdy qajet etedi.
Memleket basshysyna jedel tólemder júiesiniń damýy jáne tsifrlyq teńgeni engizýge daiyndyq barysy týraly málimet berildi.
Kezdesý sońynda Qasym-Jomart Toqaev aqsha-kredit saiasatyn tiimdi júzege asyrýǵa baǵyttalǵan birqatar tapsyrma berdi.
