Sýret: Aqorda
Prezident Ulttyq Bank tóraǵasy Timýr Súleimenovti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Timýr Súleimenov Ulttyq Banktiń biylǵy jartyjyldyqta júzege asyrǵan aqsha-kredit saiasatynyń qorytyndysy týraly esep berdi. Qazaqstandaǵy jáne álemdegi ekonomikalyq jaǵdaidyń damý barysy jáne infliatsiianyń qarqyny men ony turaqtandyrý sharalary jóninde baiandady. Jyldyq infliatsiianyń báseńdegenin jáne ishki ekonomikada proinfliatsiialyq faktorlardyń saqtalyp otyrǵanyn aitty.
Biryńǵai jinaqtaýshy zeinetaqy qorynyń aktivteri men altyn-valiýta rezervteriniń jai-kúiine toqtaldy.
Ulttyq tólem júiesi men ashyq banking printsipterin damytý jáne qazaqstandyqtardyń qarjysyn alaiaqtardan qorǵaý úshin antifrod-ortalyq qurý jobalaryn júzege asyrýǵa qatysty Memleket basshysy bergen tapsyrmalardyń oryndalý barysy týraly aitty.
Kezdesý sońynda Qasym-Jomart Toqaev Ulttyq Banktiń qyzmetine, sonyń ishinde infliatsiiany odan ári turaqtandyrý jáne tsifrlyq qarjylyq infraqurylym jasaý jóninde birqatar tapsyrma berdi.
