Foto: Aqorda
Memleket basshysy Qasym-Jomart Toqaev jahandyq tehnologiialyq báseke kúsheigen qazirgi kezeńde Qazaqstanǵa jasandy intellektini damytý jáne tsifrlyq transformatsiiaǵa arnalǵan keshendi baǵdarlama qajet ekenin málimdedi, dep habarlaidy Ult.kz.
Prezidenttiń aitýynsha, atalǵan qujat Úkimet pen Strategiialyq josparlaý agenttiginiń birlesýimen ázirlenip, oǵan halyqaralyq kompaniialar men bedeldi sarapshylar tartylýy tiis.
— Qujat pragmatikalyq turǵydan jetik, aiqyn, ári aldaǵy jumysymyzdyń baǵyt-baǵdaryna ainalýy kerek. Onda jasandy intellektini damytý men qoldanýdyń barlyq aspektilerin qamtityn keshendi sharalar bolýy shart. Bul ekonomika men memlekettik sektorǵa tehnologiiany engizý úshin naqty ári túsinikti bolýy tiis, — dedi Qasym-Jomart Toqaev.
Memleket basshysy jańa baǵdarlama eldiń básekege qabiletin arttyrýǵa, jańa indýstriialardy qurýǵa jáne eńbek naryǵynyń transformatsiiasyn tiimdi basqarýǵa yqpal etýi qajet ekenin atap ótti. Sonymen qatar jappai oqytý baǵdarlamalary men kadrlarǵa suranysty boljaý mańyzdy baǵyttardyń biri bolatynyn jetkizdi.
