Memleket basshysy Qasym-Jomart Toqaev salyqtyq ákimshilendirý salasyna qatysty Úkimetke tapsyrmalar júktedi, dep habarlaidy QazAqparat.
Prezidenttiń aitýynsha, ósimdi qalpyna keltirý kezeńinde Úkimet jańa jaǵdailarǵa negizdelgen salyqtyq-biýdjettik saiasatty jetildirý boiynsha usynystar ázirleý kerek.
Salyqtyq ákimshilendirý máselesi ózekti bolyp turǵanyna toqtalǵan Memleket basshysy, sońǵy kezderi kásipkerlerdiń salyq organdaryna shaǵym jiilep ketkenin atap ótti. Shaǵyn qaryzdar úshin shottary buǵattalady. Sonymen qatar eseptilikti qabyldaý júiesi únemi isten shyǵyp jatady.
«Úkimetke «salyqtyq ákimshilendirý» UKP-men birlese salyqtyq ákimshilendirýdi túbegeili jeńildetý boiynsha usynystar ázirleýdi tapsyramyn. Ol tsifrlyq sheshimderge, osy oraida aýqymdy málimetter men blokchein tehnologiiasyn paidalanýǵa negizdelýi tiis», - dedi Toqaev.
Sonymen qatar Memleket basshysy onlain kassalyq apparattar men POS-terminaldardy paidalanǵan jaǵdaida, jeke kásipkerlerdi salyqtyq eseptilikti usynýdan bosatý máselesin qarastyrýdy tapsyrdy.
