Memleket basshysy Qasym-Jomart Toqaev Túrkistan jáne Pavlodar oblystarynyń ákimderimen óńirlerde qalyptasqan qazirgi sanitarlyq-epidemiologiialyq jáne áleýmettik-ekonomikalyq ahýal týraly telefon arqyly sóilesti. Bul týraly Prezidenttiń baspasóz hatshysy Berik Ýálige Facebook-tegi paraqshasynda jazdy, dep habarlaidy "Ult aqparat".
Túrkistan oblysynyń ákimi Prezidentke koronavirýstyń taralýy boiynsha óńirdiń qazirgi tańda «jasyl» aimaqta ekenin jáne 35 myń turǵynnyń vaktsina alǵanyn baiandady.
Qasym-Jomart Toqaevqa jańa Saýran aýdanyn qurý jumystarynyń barysy týraly málimet berildi. Ómirzaq Shókeevtiń aitýynsha, qazir jańa ákimdiktiń basqarý júiesi men biýdjeti bekitilýde. Jýyq arada quqyq qorǵaý organdary men ministrlikterdiń jergilikti bólimsheleri jumys istei bastaidy. Jańadan qurylyp jatqan aýdannyń halqy 100 myńnan asady, jalpy aýmaǵy 650 myń gektarǵa jýyq. Aýdannyń ákimshilik ortalyǵy Shornaq aýyly.
Sonymen qatar áńgimelesý barysynda elektr qýatynyń apattyq jaǵdaida sónýinen bolǵan zardaptardy qalpyna keltirý, kóktemgi sý tasqynynyń aldyn alý jáne egis naýqanyna sýdyń jetispeýshiligi problemasyn sheshý máselelerine basa mán berildi.
Pavlodar oblysynyń ákimi Ábilqaiyr Sqaqov ta Prezidentke koronavirýs indetine qarsy júrgizilip jatqan kúres sharalary jaiynda esep berdi. Óńir basshysynyń aitýynsha, qazirgi ýaqytta óńir «sary» aimaqta. 13 sáýirdegi málimet boiynsha oblysqa «Spýtnik V» vaktsinasynyń birinshi komponentiniń 21 750 jáne ekinshi komponentiniń 10 750 mólsheri jetkizilgen. Jalpy 19 myńnan astam adamǵa ekpe egilip, 4100 azamat vaktsinanyń ekinshi komponentin saldyrǵan.
Sonymen qatar Qasym-Jomart Toqaevqa kóktemgi egis naýqanyna daiyndyq jumystarynyń barysy týraly baiandaldy. Ákimniń aitýynsha, biyl 1,490 myń gektar jerge egistik salý josparlanǵan. Bul byltyrǵy kórsetkishten 59 myń gektarǵa artyq.
Memleket basshysy oblys ákimderine óńirlerdegi sanitarlyq-epidemiologiialyq ahýaldy turaqtandyrýǵa jáne azamattardy vaktsinalaý jumystaryn jandandyrýǵa qatysty birqatar naqty tapsyrma berdi.
