Foto: Aqorda
Memleket basshysy Qasym-Jomart Toqaev Túrikmenstan Prezidenti Serdar Berdimuhamedovke quttyqtaý jedelhatyn joldady, dep habarlaidy Ult.kz.
Prezident jedelhatynda Serdar Berdimuhamedov pen barsha túrikmen halqyn Táýelsizdik kúnimen quttyqtap, baýyrlas elge izgi tilegin bildirdi.
Qasym-Jomart Toqaev Qazaqstan men Túrikmenstan arasyndaǵy yntymaqtastyqtyń damý qarqyny joǵary ekenin atap ótti. Onyń aitýynsha, birlesken kúsh-jigerdiń arqasynda mazmuny baiyp kele jatqan ózara yqpaldastyq strategiialyq seriktestik rýhyna jáne qos halyqtyń múddesine tolyq sai keledi.
Sonymen qatar Memleket basshysy san qyrly memleketaralyq bailanysty jan-jaqty nyǵaitýǵa daiyn ekenin rastady. Ol Serdar Berdimuhamedovke jaýapty memlekettik qyzmetinde tabys, al baýyrlas túrikmen halqyna igilik pen ósip-órkendeý tiledi.
