Memleket basshysyna Básekelestikti qorǵaý jáne damytý agenttiginiń tóraǵasy Serik Jumanǵarin esep berdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa Qazaqstan ekonomikasyn monopoliiadan aryltý jónindegi reformalar aiasynda Agenttikke berilgen tapsyrmalardyń oryndalýy týraly baiandaldy.
S.Jumanǵarinniń aitýynsha, prokýratýra organdary men Agenttik suiytylǵan munai gazyn kóterme saýdada satatyndardyń qyzmetine júrgizilgen tekserý nátijeleri boiynsha 5,5 milliard teńge qarjyǵa qatysty zań buzýshylyqtardy anyqtaǵan. Avtomobil gazyn bólshek saýdaǵa shyǵaratyn 193 satýshy mekemege salynǵan aiyppul kólemi 103 million teńgeni qurady. Agenttiktiń usynysy boiynsha Energetika ministrliginiń suiytylǵan munai gazyn, baǵanyń 10 paiyzdyq shegin 3 paiyzǵa deiin túsirýdi qosa alǵanda, elektrondy saýda alańdary arqyly uiymdastyrý jáne satý tártibine ózgerister engizildi.
Qazirgi ýaqytta «Eurotransit Nur Zholy», «Qazfosfat», «Qazaqmys» Korporatsiiasy» jaýapkershiligi shekteýli seriktestikterine jáne «Kaskor-Transservis» aktsionerlik qoǵamyna qatysty tergeý amaldary júrgizilýde. «QTJ» UK», «Qazaqtelekom», «Aimaq» QTA», «Transtelekom» siiaqty aktsionerlik qoǵamdarda, sondai-aq azyq-túlik taýarlaryn satatyn saýda oryndaryn jalǵa berý qyzmetterine qatysty saýda naryqtarynda monopoliiaǵa qarsy zańnamanyń buzylý belgilerin anyqtaý úshin taldaý júrgizilýde.
Prezidenttiń monopoliialyq toptarǵa keshendi taldaý júrgizý jónindegi tapsyrmalaryn oryndaý úshin Básekelestikti qorǵaý jáne damytý agenttiginiń tóraǵasy munai jáne munai ónimderi, tabiǵi gaz, elektr energiiasy naryqtaryn, temirjol kóligi, azamattyq aviatsiia qyzmetteri, qoǵamdyq kólik, telekommýnikatsiialar, qarjy naryqtaryn monopoliiadan aryltý jóninde usynys berdi.
Jumanǵarin negizgi taýar naryqtaryn monopoliiadan aryltýǵa jáne biznes úshin qolaily básekelestik orta qalyptastyrýǵa baǵyttalǵan Básekelestikti damytýdyń 2022-2026 jyldarǵa arnalǵan tujyrymdamasynyń jobasyn ázirleý barysy jóninde de baiandady.
Memleket basshysy Qazaqstannyń bolashaǵy úshin básekelestikti damytýdyń mańyzy zor ekenin atap ótip, ekonomikanyń mańyzdy salalaryn monopoliiadan aryltý jónindegi júieli sharalardy iske asyrý jumystaryn jalǵastyrýdy jáne olardyń sapaly oryndalýyna baqylaýdy qamtamasyz etýdi tapsyrdy.
