Qasym-Jomart Toqaev AÓSShK Hatshylyǵynyń atqarýshy direktory Qairat Sarybaidy qabyldady, dep habarlaidy Aqorda.
Memleket basshysyna Aziiadaǵy ózara is-qimyl jáne senim sharalary jónindegi keńes Hatshylyǵynyń qazirgi jumysy týraly málimet berildi. Biylǵy 12-13 qazanda Qazaqstan astanasynda ótetin AÓSShK-niń VI sammitine daiyndyq barysyna basa mán berildi.
Kezdesýde AÓSShK-ni Aziiadaǵy yntymaqtastyq jónindegi tolyqqandy halyqaralyq uiymǵa ainaldyrýdyń perspektivalary talqylandy. Osy mańyzdy mindetti júzege asyrý – Qazaqstan tóraǵalyǵynyń basymdyǵy.
Qairat Sarybai Qasym-Jomart Toqaevqa sammit qarsańynda Keńeske múshe memleketterdiń syrtqy ister vedomstvolarynyń basshylarymen ótkizgen kezdesýleri týraly baiandady.
Sonymen qatar diplomat Uiymnyń jumysyndaǵy ekonomikalyq ólshemdi jandandyrý máselesine toqtalyp, Jastar keńesiniń otyrysyn, sondai-aq maýsym aiyna josparlanǵan «Astana Financial Days» halyqaralyq konferentsiiasy aiasynda AÓSShK Iskerlik keńesi men biznes forýmyn ótkizýge qoldaý kórsetkeni úshin Prezidentke alǵys bildirdi.
Memleket basshysy Qazaqstannyń atalǵan Keńeske tóraǵalyǵynyń basymdyqtaryn tiimdi júzege asyrýdyń mańyzdy ekenin atap ótti. Sondai-aq aldaǵy sammit nátijesi boiynsha qabyldanatyn qorytyndy qujat jobasyn muqiiat ázirleý qajettigin aitty.
