Memleket basshysy Qasym-Jomart Toqaev Atatúrik kesenesine gúl shoǵyn qoidy, - dep habarlaidy "Ult aqparat" Aqordaǵa silteme jasap.
Qasym-Jomart Toqaevtyń Túrkiia Respýblikasyna memlekettik sapary Túrkiianyń negizin qalaýshy ári tuńǵysh Prezidenti Mustafa Kemal Atatúriktiń rýhyna taǵzym etýden bastaldy.
Anytqabir kesenesin aralap kórgen Memleket basshysy Qurmetti qonaqtar kitabyna qoltańba qaldyrdy. Onda Qasym-Jomart Toqaev tamyrlas túrik jurtyna zor qurmetin bildirip, Qazaqstan men Túrkiia arasyndaǵy dostyqtyń máńgi bolýyn, eki el yntymaqtastyǵynyń arta berýin jáne baýyrlas túrik halqyna baq-bereke tiledi.
Gúl shoǵyn qoiý saltanatty rásimine Qazaqstannyń resmi delegatsiiasynyń músheleri de qatysty.
