Foto: Prezidenttiń baspasóz qyzmeti
Qasym-Jomart Toqaev aldyn ala josparlanǵan jumys kestesine sáikes 24-25 qańtar kúnderi Almatyǵa barady. Bul týraly Prezidenttiń baspasóz hatshysy Berik Ýáli habarlady.
"Memleket basshysy megapolistegi birqatar nysandy aralaidy. Sonyń ishinde Qańtar oqiǵasynan keiin kúrdeli jóndeýden ótken ákimdik ǵimaratyna baryp, qaladaǵy jaǵdaiǵa bailanysty jiyn ótkizedi", - delingen habarlamada.
Eske sala keteiik, Tótenshe jaǵdailar ministrligine qarasty "STÁK" JShS-nyń seismikalyq stansalar jelisi Almaty ýaqytymen 23 qańtar kúni 00 saǵat 09 minýtta jer silkinisin tirkedi. Almatyda jer silkinisi 5 ball deńgeiinde sezildi.
Qala turǵyndarynyń aitýynsha, jerasty dúmpýi bul joly qatty sezilgen. Úileri uzaq ýaqyt boiy shaiqalǵan. Turǵyndar úreilenip, úilerin tastap, dalaǵa shyǵyp ketken.
