فوتو: پرەزيدەنتتٸڭ باسپاسٶز قىزمەتٸ
قاسىم-جومارت توقاەۆ الدىن الا جوسپارلانعان جۇمىس كەستەسٸنە سەيكەس 24-25 قاڭتار كٷندەرٸ الماتىعا بارادى. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي حابارلادى.
"مەملەكەت باسشىسى مەگاپوليستەگٸ بٸرقاتار نىساندى ارالايدى. سونىڭ ٸشٸندە قاڭتار وقيعاسىنان كەيٸن كٷردەلٸ جٶندەۋدەن ٶتكەن ەكٸمدٸك عيماراتىنا بارىپ, قالاداعى جاعدايعا بايلانىستى جيىن ٶتكٸزەدٸ", - دەلٸنگەن حابارلامادا.
ەسكە سالا كەتەيٸك, تٶتەنشە جاعدايلار مينيسترلٸگٸنە قاراستى "ستەك" جشس-نىڭ سەيسميكالىق ستانسالار جەلٸسٸ الماتى ۋاقىتىمەن 23 قاڭتار كٷنٸ 00 ساعات 09 مينۋتتا جەر سٸلكٸنٸسٸن تٸركەدٸ. الماتىدا جەر سٸلكٸنٸسٸ 5 بالل دەڭگەيٸندە سەزٸلدٸ.
قالا تۇرعىندارىنىڭ ايتۋىنشا, جەراستى دٷمپۋٸ بۇل جولى قاتتى سەزٸلگەن. ٷيلەرٸ ۇزاق ۋاقىت بويى شايقالعان. تۇرعىندار ٷرەيلەنٸپ, ٷيلەرٸن تاستاپ, دالاعا شىعىپ كەتكەن.
