Memleket basshysy Qasym-Jomart Toqaev Memlekettik qyzmet haby basqarýshy komitetiniń tóraǵasy Álihan Baimenovti qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaevqa Memlekettik qyzmet haby basqarýshy komitetiniń tóraǵasy Álihan Baimenov memlekettik basqarýdaǵy jahandyq úderister týraly málimet berdi.
Sonymen qatar Prezidenttiń memlekettik apparatty biýrokratiiadan aryltý týraly Jarlyǵyn júzege asyrýdyń tiimdi joldary talqylandy. Saladaǵy jemqorlyqpen kúres tásilderin jáne memlekettik qyzmetshilerdiń biliktiligi men kásibiligin úzdiksiz damytyp otyrý jaiynda pikir almasty.
Kezdesýde memlekettik qyzmet pen memlekettik apparattyń jumysyn jetildirýde halyqaralyq yntymaqtastyqtyń mańyzdy ekeni aityldy. Sondai-aq úzdik halyqaralyq tájiribelerdi elekten ótkizip, memlekettik apparat jumysyna paidalaný qajet ekeni atap ótildi.
