Búgin QR Prezidenti Qasym-Jomart Toqaev Saiasi qýǵyn-súrgin jáne asharshylyq qurbandaryn eske alý kúnine orai úndeý jariialady. Onda tarihi ádildikti qalpyna keltirý jumystaryn aiaqtaý jáne qýǵyn-súrgin qurbandaryn aqtaý úshin arnaiy memlekettik komissiia qurý tapsyrylǵanyn málim etti, - dep habarlaidy QazAqparat.
«Tarihi ádildikti qalpyna keltirý jumystaryn aiaqtap, saiasi qýǵyn-súrgin qurbandaryn aqtaý úshin arnaiy memlekettik komissiia qurýdy tapsyrdym.
Biz jazyqsyz jazalanǵandardyń árqaisysyn este saqtaý arqyly ǵana kemel keleshekke jol ashamyz. Bolashaqtyń berik negizi Táýelsizdikten bastaý alady.
Ótken ǵasyrdaǵy eń qily kezeńniń birinde jazyqsyz japa shekkenderdiń rýhyna taǵzym etý – barshamyzdyń perzenttik boryshymyz», - dedi Memleket basshysy.
Q.Toqaev atap ótkendei, Keńes zamanynda ómir súrgen halyqtarǵa «úlken terror» orasan zor qasiret ákeldi. Zulmat jyldarda Qazaqstanǵa KSRO-nyń túkpir-túkpirinen bes millionnan astam adam jer aýdaryldy.
100 myńǵa jýyq azamatymyz qýǵyn-súrginge ushyrap, sonyń 20 myńnan astamy atyldy.
