Memleket basshysynyń baspasóz hatshysy Berik Ýáli Prezidenttiń 2022 jylǵy 5 qańtardaǵy eldegi áleýmettik-ekonomikalyq ahýal máseleleri jónindegi keńeste bergen tapsyrmasynyń qalai oryndalǵanyn jazdy, dep habarlaidy QazAqparat.
«Bas prokýratýraǵa Básekelestikti qorǵaý agenttigimen birlesip, baǵalyq sóz bailasý men ózge de básekelestikke qarsy is-áreketterge qatysty tergeý júrgizýdi tapsyramyn», - dep tapsyrma bergen edi Prezident Qasym-Jomart Toqaev.
Osylaisha, suiytylǵan munai gazyn jetkizýshi alty iri kóterme saýda kompaniiasyna qatysty tergep-tekserý jumystary aiaqtaldy. Suiytylǵan munai gazyn satýshylar ústemdik jaǵdaiyn paidalana otyryp, eń joǵary baǵany belgileýdi kózdegeni anyqtaldy.
«Qazaqoil Aqtóbe» JShS-ne ákimshilik aiyppul salý týraly sot sheshimi shyǵaryldy (sheshim kúshine engen joq).
«SNPS-Aqtóbemunaigaz» AQ men «SP Qazgermunai» JShS-ne qatysty ákimshilik is qozǵaldy jáne sotqa berildi. «Petrosun» JShS men «Qazaq gaz óńdeý zaýyty» JShS-ne qatysty qylmystyq is qozǵalyp, «QazMunaiGaz» UK» AQ-ǵa qatysty is materialdary Qarjylyq monitoring agenttigine berildi. «Qazaq gaz óńdeý zaýyty» JShS is-áreketterinde suiytylǵan munai gazyn satý kezinde negizsiz qysqartý faktileri anyqtaldy.
Básekelestikti qorǵaý jáne damytý agenttigi suiytylǵan munai gazyn bólshek saýdada ótkizetin 193 sýbektige qatysty, onyń 89-na Bas prokýratýramen birlesip, tergep-tekserý jumystaryn júrgizip jatyr.
Naryqtaǵy 65 sýbektiniń isinde kelisilgen áreketter jáne karteldik sóz bailasý faktileri anyqtaldy. Al 45 sýbektige qatysty ákimshilik is qozǵalyp, materialdar sotqa jiberildi. Salynǵan ákimshilik jazalardyń jalpy somasy – 92 million teńge.
