QR Prezidenti Qasym-Jomart Toqaevtyń ustazdar jalaqysyn kóbeitý týraly tapsyrmasy oryndaldy. Bul jaiynda Prezident baspasóz qyzmetiniń Telegram paraqshasynda jariialandy, dep habarlaidy QazAqparat.
Esterińizde bolsa, Memleket basshysy Qasym-Jomart Toqaev 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynda ustazdar jalaqysyna qatysty másele kótergen bolatyn.
«Bilim salasyndaǵy basty máseleniń biri – ustazdar jalaqysynyń azdyǵy. Men 2021 jyldyń qańtar aiynan bastap muǵalimderdiń eńbekaqysyn 25 paiyzǵa kóbeitý jóninde sheshim qabyldadym. Jalaqy mólsheri aldaǵy ýaqytta da arta beredi. Bul maqsatqa aldaǵy úsh jylda qosymsha 1,2 trln teńge bólinedi», - degen edi QR Prezidenti.
Sonymen 2021 jyldyń 1 qańtarynan bastap mádeniet salasyndaǵy arnaýly mektepter men kolledjer qyzmetkerleriniń eńbekaqysy 25 paiyzǵa ósti.
2022 jyldyń 1 qańtarynan bastap jalaqy taǵy 25 paiyzǵa kóbeidi.
Memlekettik bilim berý uiymdarynyń muǵalimderine sabaqtan tys sport sabaqtaryn ótkizgeni úshin bazalyq laýazymdyq jalaqynyń 100 paiyzy mólsherinde qosymsha aqy tóleý júiesi engizildi.
Dene shynyqtyrý jáne sport salasyndaǵy mamandandyrylǵan mektepter men kolledjder qyzmetkerleriniń jalaqysy 25 paiyzǵa ósti.
