Ulttyq Bank Memleket basshysynyń tapsyrmasyna sáikes koronavirýs pandemiiasynan týyndaǵan tótenshe jaǵdaiǵa jaýap retinde ázirlengen shaǵyn jáne orta biznes sýbektilerin jeńildikpen kreditteý baǵdarlamasyn tabysty iske asyrýda, dep habarlaidy "Ult aqparat".
Ulttyq banktiń baspasóz qyzmetiniń málimetinshe, Tótenshe jaǵdai nátijesinde zardap shekken shaǵyn jáne orta biznes sýbektilerine qoldaý kórsetiledi. Bul rette, barynsha kóp ShOB sýbektilerin qamtýdy arttyrý maqsatynda baǵdarlamada qandai da bir salalyq shekteýler kózdelmeidi, sondai-aq qarjylyq jaǵdaidyń nasharlaýyn rastaý úshin qajetti qujattardyń naqty tizbesi belgilenbeidi. Kásipkerler men bankter qajetti qujattar tizbesin derbes aiqyndaidy.
20 qazandaǵy jaǵdai boiynsha ekinshi deńgeidegi bankter 564,3 mlrd teńge somasyna 2 277 ótinish qabyldady, olar boiynsha josparlanǵan 600 mlrd teńge kezinde 428,7 mlrd teńge somasyna (onyń ishinde óteý esebinen 75 mlrd teńge) 1 360 ShOK sýbektileri qarjylandyryldy. Baǵdarlamany eń aldymen saýda salasyndaǵy shaǵyn jáne orta biznes sýbektileri paidalandy – 297,8 mlrd teńge (70%), qurylys salasynda – 43 mlrd teńge (10%), óńdeý ónerkásibinde – 38 mlrd teńge (9%) mólsherinde paidalandy.
