Memleket basshysynyń tapsyrmasyna sai 2023 jyly Aqtóbedegi meditsinalyq ýniversitette dárigerlerdiń ortasha jalaǵasy 500 myń teńge bolady, dep habarlaidy QazAqparat.
Prezident Qasym–Jomart Toqaev Ulttyq keńeste meditsina qyzmetkerleriniń, JOO oqytýshylarynyń eńbekaqysyn ósirý jóninde tapsyrma bergen bolatyn. Marat Ospanov atyndaǵy Batys Qazaqstan memlekettik meditsinalyq ýniversitetinde ońtailandyrý jumysy nátijesinde aq halattylardyń eńbegin eseleý kózdeldi.
«Qazirgi kezde ýniversitettegi ortasha jalaqy - 180 myń teńge. Máselen, emdeý isiniń mamandaryna 250 myń, medbike, feldsher jáne taǵy da basqa orta meditsina qyzmetkerine 200 myń, al ózge jumysshylarǵa 100 myń teńge jalaqy beriledi. Al oqytýshy-professorlar orta eseppen 220 myń tg alady. Jalaqy ósse 2023 jyly dárigerler 500 myń, medbikeler men feldsherler 400 myń, kishi qyzmetkerler 200 myń teńge alýy tiis. Oqytýshylarǵa 400 myń teńge jalaqy taǵaiyndalady. Taǵy bir eskererlik jait, tájiribe jinap júrgen oqytýshylardyń jalaqysy dárigerlerden kem túspeidi. Sondyqtan ýniversitet kiristi arttyrý, ákimshilik shyǵyndy azaitý, ońtailandyrý jumysyn shiratady. Prezident tapsyrmasy oryndaý úshin kúsh salamyz», - dedi ýniversitettiń ekonomika jáne josparlaý departamentiniń jetekshisi Ernar Imanǵaliev.
Aita keteiik, ýniversitte shamamen 1800 adam eńbek etedi.
.jpeg)