Aǵymdaǵy jylǵy 2 qazanda Bas prokýratýrada Memleket basshysynyń 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» Joldaýynda berilgen tapsyrmalardy oryndaý aiasynda júzege asyrylyp jatqan ilki jobanyń tanystyrylymy ótti.
Bul týraly "Ult aqparat" QR Bas prokýratýrasynyń resmi saityna silteme jasap habarlaidy.
Sharaǵa Qazaqstan Respýblikasy Prezidenti Ákimshiliginiń basshysy Erlan Qoshanov, Prezidenttiń kómekshisi – Qaýipsizdik Keńesiniń Hatshysy Áset Isekeshev jáne quqyq qorǵaý organdarynyń basshylary, sondai-aq quqyq qorǵaý júiesin reformalaý jónindegi jumys tobynyń músheleri qatysty.
Politsiia tergeýshisi men prokýror ilki jobanyń tájiribede qoldanylýyn kórsetti.
Ilki joba adam quqyqtary men bostandyqtaryna qatysty sotqa deiingi tergep-tekserý organdarynyń negizgi sheshimderin kelisý boiynsha prokýrordyń ózine júktelgen mindetterin oryndaýdyń elektrondyq formatyn kózdeidi.
Osyǵan deiin eki óńirde - Pavlodar jáne Shyǵys Qazaqstan oblystarynda ilki joba synaqtan ótti. 1 qazannan bastap joba respýblikanyń barlyq aimaǵynda iske qosyldy.
Jobanyń máni tergeýshiniń is-áreketti saralaý, qaita saralaý, sondai-aq tergeýdi toqtatý týraly sheshimin sotqa deiingi tergep-tekserýdiń biryńǵai tiziliminde elektrondyq túrde qalyptastyrýda bolyp tabylady.
Prokýror onlain rejiminde olardyń zańdylyǵyn belgilengen merzimde tekserýge, zańbuzýshylyqtar anyqtalǵan jaǵdaida den qoiý sharalaryn qabyldaýǵa mindetti.
Mundai model is júrgizý qujattaryn daiyndaý ýaqytyn jáne tergeý merzimderin qysqartady.
Budan basqa, qylmystyq protseske qatysýshylarǵa qabyldanǵan protsestik sheshimderdi qashyqtan qadaǵalaýǵa, kelispegen jaǵdailarda olarǵa ýaqtyly shaǵym jasaýǵa múmkindik beriledi.
Bas Prokýror bul jańalyqtar aldyn ala prokýrorlyq qadaǵalaýdy qamtamasyz etýge jáne adal azamattardyń qylmystyq qýdalaý sheńberine tartylýyn boldyrmaýǵa baǵyttalǵanyn atap ótti.
Kezdesý qorytyndysy boiynsha Erlan Qoshanov atqarylyp jatqan jumystardyń mańyzdylyǵyn atap ótip, aǵymdaǵy jyldyń sońyna deiin Jobany synaqtan ótkizýdi aiaqtaýdy, normativtik-quqyqtyq bazany daiyndaýdy jáne 2021 jylǵy 1 qańtardan bastap Memleket basshysynyń Qazaqstan halqyna Joldaýynda kórsetilgen tapsyrmalaryn iske asyrýǵa kirisýdi tapsyrdy.
