Memleket basshysynyń halyqqa joldaýynda aitylǵan oqý oryndaryn tekserý tapsyrmasy oryndaldy. Bul týraly Prezidenttiń baspasóz hatshysy Berik Ýáli óziniń Facebook paraqshasynda jariialady, dep habarlaidy "Ult aqparat".
«Byltyr men diplomdy ońdy-soldy úlestirýmen ainalysatyn bilim mekemelerin jabýdy tapsyrǵan bolatynmyn. Bilim berýdi tabysty bizneske ainaldyrǵan yqpaldy adamdardyń qarsylyǵynan bul jumys baiaý júrip jatyr. Biraq problemany sheshý kerek», - degen edi Qasym-Jomart Toqaev 2020 jyldyń 1 qyrkúiegindegi halyqqa Joldaýynda .
Berik Ýálidiń habarlaýynsha, 2020 jyly 38 JOO-ǵa profilaktikalyq tekserý júrgizilgen. 14 JOO-da jumysqa ornalastyrý kórsetkishteri talap etiletin normativten tómen bolǵan.
Al 2021 jyly 42 joǵary oqý ornyna aldyn ala baqylaý júrgizý josparlanyp otyr. Jyl basynan beri 53 myńǵa jýyq stýdent bilim alatyn 7 JOO jabylǵan. JOO oqytýshylary jumyspen qamtylyp, stýdentter basqa joǵary bilim berý mekemelerine aýystyrylǵan.
Sonymen birge, úsh oqý orny bas litsenziiasynan aiyrylǵan.
Olar:
- 35 myńǵa jýyq stýdenti bar Aimaqtyq áleýmettik-innovatsiia ýniversiteti.
- 5 myńnan astam stýdenti bar M. Tynyshpaev atyndaǵy Qazaq kólik jáne kommýnikatsiialar akademiiasy.
- Qazaq meditsinalyq úzdiksiz bilim berý ýniversiteti (JOO atalǵan sheshimge shaǵymdandy, qazirgi ýaqytta sot protsesi júrip jatyr).
