Qaraǵandy ǵalymdary men lingvister latyn álipbiiniń jańa nusqasyn talqylady.
Kezdesý Dostyq úiinde ótti. Is-sharany qalalyq tilderdi damytý basqarmasy uiymdastyrdy, dep habarlaidy "Ult aqparat".
Talqylaý úshin latyn grafikasyndaǵy álipbidiń tórt jańa nusqasy usynyldy. Bul birinshi bekitilgen nusqa, akýt (áriptiń ústindegi belgi - shtrih) jáne ýmlaýty (árip ústindegi eki núkte) bar pysyqtalǵan nusqalar, sondai-aq talqylananyp júrgen aralas nusqasy.
«Jańa alfavit oqý jáne jazý úshin jeńil jáne yńǵaily bolýy kerek. Eger emle erejeleri qiyn bolmasa, onda olardy oqý da qiyn bolmaidy. Eń bastysy, biz qazaq tiliniń fonetikasyna barynsha jaqyn nusqany tańdaýymyz kerek», - dedi E. A. Bóketov atyndaǵy Qaraǵandy memlekettik ýniversitetiniń qazaq til bilimi kafedrasynyń dotsenti, filologiia ǵylymdarynyń kandidaty Marhaba Tursynova.
Talqylaý kezinde qatysýshylardyń kópshiligi úshinshi nusqany tańdady. Bul nusqada 31 árip. Ýmlaýttar á, ó, ú daýystarynyń jumsaqtyǵyn belgileý úshin qoldanylady, bul jaǵdaida jolaq ústinde eki núktemen belgilenedi.
Kezdesýde aitylǵan usynystardy tilderdi damytý jónindegi basqarma latyn grafikasyna aýdarý jónindegi Ulttyq komissiiaǵa jiberedi.
Esterińizge sala keteiik, 2018 jylǵy 20 aqpanda Qazaqstannyń Tuńǵysh Prezidenti Nursultan Nazarbaev latyn álipbiiniń jańa nusqasyn bekitti. Bekitilgen nusqada akýttar (áripterdiń ústindegi shtrihter) engizildi. Latyn grafikasynda Á, I, I, Ǵ, Ń, Ó, Ú, Ý áripteriniń jazylýy ózgertildi, sondai-aq digraftar (sh, ch) engizildi.
2019 jyly 21 qazanda Prezident Qasym-Jomart Toqaev latyn grafikasyndaǵy qazaq tiliniń álipbiin jetildirýdi tapsyrdy. Prezident álipbide kemshilikter bar ekenin atap ótti. Atap aitqanda, aiyrbastaý kezinde álipbidiń 0,1% sanalmaidy jáne qate jiberedi. Sondai-aq I jáne I qazaq qaripteriniń bas áripimen jazylýynda shatasýlar paida boldy.
Osyǵan bailanysty latyn álipbiine kóshý jónindegi Ulttyq komissiia quryldy.
Eske sala keteiik, buǵan deiin Prezident latyn grafikasyndaǵy álipbige kóshý máselesinde asyǵystyq tanytýǵa bolmaitynyn aityp, áli de talqylaýdy usynǵan bolatyn.
