QR Indýstriia jáne infraqurylymdyq damý ministri Qaiyrbek Óskenbaevtyń aitýynsha, qala aýmaǵyn sapaly josparlaý standarttary maýsym aiynda bekitiledi, dep habarlaidy QazAqparat.
«Memleket basshysy 2021 jylǵy Joldaýynda qalalardy keshendi salýdyń jańa standarttaryn ázirleý qajettiligin atap kórsetti.
Osyǵan bailanysty ministrlik Qala aýmaǵyn sapaly josparlaý standarttarynyń birinshi redaktsiiasyn ázirlep, memlekettik organdar men uiymdarǵa kelisýge jiberdi», -dedi ministr Úkimet otyrysynda.
Onyń aitýynsha, atalmysh standarttar tartymdy jáne yńǵaily qoǵamdyq keńistikti qalyptastyrýdy, jaiaý júrginshiler men velosiped infraqurylymyn damytýdy eskergen, jinaqy qurylysty jobalaýdyń qarapaiym jáne kórneki quraly bolmaq.
«Osy standarttardy maýsym aiynda bekitý josparlanǵan. Ákimdikter atalǵan standarttardy eskere otyryp, ártúrli kózderden qarjylandyrylatyn toqsan saiynǵy/aýdan aralyq josparlardy ázirlep, bekitip, injenerlik infraqurylymdy, turǵyn úi qoryn kezeń-kezeńimen rekonstrýktsiialaýdyń keshendi tásilin ázirleýi qajet.
Búgingi kúni biz elimizdiń iri eldi mekenderiniń qalalyq infraqurylymyn damytý tujyrymdamasynyń pilottyq jobalaryn iske asyrýdy bastaýdy josparlap otyrmyz», - dedi Qaiyrbek Óskenbaev.
