Memleket basshysynyń biylǵy Joldaýyndaǵy tapsyrmaǵa sáikes Qazaqstan aýmaǵynda jylyna 372 mln túp aǵash otyrǵyzylady. Bul týraly QR Ekologiia, geologiia jáne tabiǵi resýrstar vitse-ministri Erlan Nysanbaev málim etti, dep habarlaidy QazAqparat.
«Memleket basshysy óziniń biylǵy Joldaýynda el aýmaǵynda orman alqabyn ulǵaitý kerektigin aitty. Iaǵni 2025 jylǵa deiin Qazaqstan boiynsha 2 mlrd túp aǵash otyrǵyzý mindeti tur. Bul degenimiz 85 myń ga jerdi quraidy. Búginde el kólemindegi orman alqaby 6 mln gektarǵa jetip otyr. Ózderińiz biletindei, bizdiń elimizde dalalyq alqaptar kóp, endigi maqsat - sol bos jerlerdi ormanǵa ainaldyrý», - dedi E. Nysanbaev BAQ ókilderimen ótken jiyn barysynda.
Onyń aitýynsha, elimizde aǵash otyrǵyzý protsesi ár óńirdiń klimattyq jaǵdaiyna qarai júrgiziledi.
«Aitar bolsaq, soltústik aimaqtarda kóbine aqqaiyń, shyrsha jáne qaraǵai otyrǵyzylatyn bolsa. Ońtústik aimaqtarda terek pen qara aǵashqa kóp mán beriledi. Sol siiaqty ońtústik jáne batys aimaqtar sekseýildiń otany bolyp esepteledi. Esep tilimen aitqanda, 2025 jylǵa deiin 1 ga aýmaqqa 4300 túp aǵash otyrǵyzylmaq. Osy 4300 túp aǵashty 85 myń ga jer kólemine kóbeitsek, demek jylyna 372 mln túp aǵash otyrǵyzamyz degen sóz. Sonda 5 jyl ishinde el boiynsha 1 mlrd 860 mln túp aǵash egiledi. Odan bólek, osy 5 jyldyń ishinde buryn shyqpai qalǵan kóshetterdiń ornyna qaita aǵash otyrǵyzýdy qolǵa almaqpyz. Osynyń bárin eseptegende 5 jyl kóleminde Prezidenttiń tapsyrmasyna sai 2 mrld túr aǵash otyrǵyzý normasyn oryndaimyz dep oilaimyn», - dedi ol.
