QR Prezidentiniń baspasóz hatshysy Berik Ýáli Facebook paraqshasynda Memleket basshysynyń ótken jylǵy Joldaýynda bergen tapsyrmalarynyń biri tolyq oryndalǵanyn jazdy, dep habarlaidy "Ult aqparat".
Memleket basshysy Qasym-Jomart Toqaev ótken jyly jariia etken «Jańa jaǵdaidaǵy Qazaqstan: Is-qimyl kezeńi» atty Joldaýynda: «Buqaralyq sportqa, dene tárbiesine jáne balalarǵa basymdyq berý kerek. Ár oblysta, iri aýdan ortalyqtarynda sport úiirmelerin ashý qajet», - dep atap ótken bolatyn.
Al Prezident baspasóz hatshysy dene shynyqtyrý pen buqaralyq sportty damytý jóninde 2020-2025 jyldarǵa arnalǵan keshendi jospar qabyldanǵanyn jazdy.
Berik Ýálidiń málimetinshe, elimizde dene shynyqtyrýmen jáne sportpen júieli túrde ainalysatyndar sany 5,9 mln adamǵa jetti, onyń 560 908-i – balalar men jasóspirimder. 127 703 sport sektsiiasy, balalar men jasóspirimderge arnalǵan 477 sport mektebi, sondai-aq balalar men jasóspirimderdiń 686 dene shynyqtyrý klýby jumys isteidi. Balalar men jasóspirimder dene shynyqtyrý klýbtary men dárigerlik-dene shynyqtyrý dispanserleriniń jelisi keńeitildi. Bilim berýdiń barlyq deńgeiinde dene tárbiesi sabaqtarynda ulttyq sport túrleri boiynsha mindetti komonentter engizildi. Árbir aýyldyq okrýg úshin sport jónindegi 3 myń nusqaýshy belgilendi.
