QR Prezidentiniń baspasóz hatshysy Berik Ýáli Facebook paraqshasynda Memleket basshysynyń ótken jylǵy Joldaýynda bergen tapsyrmalarynyń biri tolyq oryndalǵanyn jazdy, dep habarlaidy "Ult aqparat".
Memleket basshysy Qasym-Jomart Toqaev ótken jyly jariia etken «Jańa jaǵdaidaǵy Qazaqstan: Is-qimyl kezeńi» atty Joldaýynda: «Balalar úiirmesi» qyzmetin qaita qalpyna keltirgen jón. Onda jastarymyz qolónerdiń jáne shyǵarmashylyqtyń bastapqy negizderimen tanysar edi», - dep atap ótken bolatyn.
Al Prezident baspasóz hatshysy memlekettik shyǵarmashylyq jáne sporttyq tapsyrysty iske asyrý arqyly balalar men jasóspirimderdiń shyǵarmashylyq jáne sporttyq áleýetin arttyrý úshin memlekettik qogldaýdyń jańa institýty engizilgendigin jazdy.
Onyń aiasynda 2021 jyldyń 1 mamyrynan bastap memlekettik shyǵarmashylyq jáne sporttyq tapsyrys júzege asyrylady. Ol úshin biyl jergilikti atqarýshy organdar tarapynan memlekettik shyǵarmashylyq tapsyrysty iske asyrýǵa 2,4 mlrd teńge, sporttyq tapsyrysty iske asyrýǵa 3,7 mlrd teńge bólý kózdelgen.
2021 jyly respýblika boiynsha jan basyna shaqqanda 23,5 myń shyǵarmashylyq úiirme jáne 1 029 sport sektsiiasy qarjylandyrylady. Onda shamamen 43,3 myń bala sportpen jáne shyǵarmashylyqpen (shyǵarmashylyq úiirmelerde - 23,5 myń bala, sport sektsiialarynda – 21 548 bala) tegin ainalysatyn bolady.
