QR Prezidentiniń baspasóz hatshysy Berik Ýáli aýyldarda jalǵa beriletin úi salý boiynsha jumys berýshilerdiń shyǵyndary qalai sýbsidiialanatynyn túsindirdi, dep habarlaidy "Ult aqparat".
Bul tapsyrma 2020 jylǵy 1 qyrkúiektegi Memleket basshysy Qasym-Jomart Toqaevtyń Qazaqstan halqyna Joldaýynda aitylǵan edi.
«Aýyl eńbekkerlerin qoljetimdi baspanamen qamtamasyz etý úshin jumys berýshilerdiń shyǵyndaryn sýbsidiialaý arqyly jaldamaly úiler salýǵa mindettep, kóptegen otandastarymyzdyń turmys sapasyn nege jaqsarta almaimyz?», - degen edi Prezident Q. Toqaev Joldaýynda.
Prezidenttiń baspasóz hatshysy Berik Ýáli turǵyn úi zańnamasyna jáne QR Sáýlet, qala qurylysy jáne qurylys qyzmeti týraly zańnamaǵa ózgerister engizý jumystary bastalǵanyn habarlady.
«Aýylda jalǵa beriletin úiler salý boiynsha jumys berýshilerdiń shyǵyndaryn sýbsidiialaý qaǵidalarynyń jobasy ázirlendi. Úi paidalanýǵa berilgennen keiin jumys berýshiler shyǵyndarynyń jalpy qunynyń 50 paiyzyn, iaǵni 1 sharshy metriniń quny 100 myń teńgeden aspaityn, jalpy aýdany 100 sharshy metrden aspaityn mólsherde sýbsidiialaýǵa jatady. Turǵyn úi jumys berýshi men qyzmetker arasynda 5 jyldyq merzimge jasalǵan eńbek sharty jasalǵanda beriledi», - dep jazdy B. Ýáli Facebook -tegi paraqshasynda.
