Prezident suhbatynda barlyq azamattyń kókeiinde júrgen máseleler jan-jaqty talqyǵa tústi. Mundai pikirdi «Rýhani jańǵyrý» QQDI Strategiialyq saraptaý tobynyń jetekshisi Lázzat Nurqatova bildirdi, dep habarlaidy QazAqparat.
«Prezidenttiń senbi kúngi suhbatyn úlken yqylaspen tyńdadym. Alǵashqy minýttardan-aq onyń ashyqtyǵyn, shynaiylyǵyn jáne dialogqa oń qaraityndyǵyn sezindim. Qasym-Jomart Kemeluly qoiylǵan suraqtardyń bárine ashyq jaýap berip, yńǵaiǵa kelmeitin, qiturqy suraqtardan da jaltarǵan joq. Eń bastysy búginde barlyq azamattyń kókeiinde júrgen máseleler jan-jaqty talqyǵa tústi», - dedi ol Memleket basshysy Qasym-Jomart Toqaevtyń keshegi «Habar» agenttigine bergen suhbatyna orai.
Onyń atap ótýinshe, suhbat barysynda QR Prezidenti UQShU-nyń bitimgershilik áskerin kirgizý, oq atýǵa buiryq berý, Qytaimen jáne Reseimen syrtqy saiasat, eldegi kadrlyq aýys-túiis máselelerine qatysty oiyn ashyq jetkizdi.
«Memleket basshysy Tuńǵysh Prezident – Elbasynyń el damýyndaǵy sózsiz úlesin taǵy bir eske saldy. Bul jaiynda ol kúni keshe ǵana ótken Nur Otan pariiasynyń kezekten tys sezinde de aitqan edi. Prezident qoǵamdaǵy ózekti kez kelgen máseleni talqylaýǵa daiyn ekendigin bildirdi. Sonymen qatar sheshimder qabyldaý barysynda azamattardyń pikirin eskerý qajettigin basa aitty. Qasym-Jomart Toqaev Konstitýtsiiaǵa sáikes qabyldanǵan sheshimderdiń, qasiretti qańtar kúnderi qabyldanǵan is-sharalardyń durystyǵyna tolyǵymen jaýap beretindigin kórsetti», - dedi Lázzat Nurqatova.
