Sýret: Aqorda
Memleket basshysy Strategiialyq josparlaý jáne reformalar agenttiginiń tóraǵasy Jandos Shaimardanovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Jandos Shaimardanov:
álemdik jáne ulttyq ekonomikadaǵy qazirgi trendter týraly aitty;
qurylymdyq reformalardy odan ári júzege asyrý jóninde usynystar berdi;
memlekettik statistika men derekterdi basqarý negizderin institýtsionaldyq turǵydan kúsheitý týraly baiandady:
– Ulttyq statistika biýrosyna ákimshilik derekkózderge qatysty memlekettik baqylaý ókilettigi berildi;
– jyl sońyna deiin 9 memlekettik organnyń derekter bazasy sapasyna baǵalaý júrgiziledi. Bul ákimshilik derekkózderi úshin sapa standarttary men halyqaralyq ádistemeni qoldanýǵa kómegin tigizedi;
Agenttiktiń ákimshilik jáne balamaly aqparat kózderin belsendi paidalanýdy eskere otyryp, statistikalyq qyzmetti qysqa merzimdi josparlaýdan úsh jylǵa deiingi orta merzimdi josparlaýǵa kóshýi jóninde aitty;
atalǵan reformalar statistikalyq eseptilikti 2 esege deiin azaitýǵa múmkindik beretinin jáne derekterdiń sapasy men resmi statistikaǵa degen senimdi arttyratynyn jetkizdi.
Kezdesý sońynda Prezident áleýmettik-ekonomikalyq reformalardy jan-jaqty pysyqtaýdyń mańyzdy ekenine toqtalyp, Agenttik tóraǵasyna osy baǵyttaǵy jumystardy jalǵastyrýdy tapsyrdy.
