Foto: Akorda.kz
Prezident Aqmola oblysyna jumys sapary aiasynda Stepnogorskidegi balalar men jasóspirimder sport mektebin aralap kórdi, - dep habarlaidy "Ult aqparat" Aqordanyń resmi saityna silteme jasap.
Onda boks, erkin kúres, aýyr atletika, dziýdo, kórkem gimnastika, fýtbol, shańǵy jarysy jáne sambo sektsiialary boiynsha 1140 bala sportpen shuǵyldanady. Sabaqty 30 jattyqtyrýshy-oqytýshy júrgizedi.
Memleket basshysyna balalar men jasóspirimderge arnalǵan sport mektebi tárbielenýshileriniń oqý-jattyǵý sabaqtaryn ótkizetin aýyr atletika zaly men úlken oiyn zaly tanystyryldy.
Qasym-Jomart Toqaev mektepti aralap kórgennen keiin óńirdiń belgili sportshylarymen jáne jattyqtyrýshylarymen kezdesti.
Prezident qazaqstandyq sportshylardyń ónerin árdaiym tamashalaitynyn jáne qoldaitynyn atap ótti. Sondai-aq iri jarystardaǵy joǵary jetistikteri úshin sportshylarǵa alǵys aityp, elimizdiń sheteldegi imidjin arttyrýǵa qosqan olardyń úlesine toqtaldy.
Shara sońynda Memleket basshysy Leik-Plesidte (AQSh) ótken Dúniejúzilik qysqy ýniversiada chempiony biatlonist Bekentai Turlybekovke Alǵys hatyn tabys etti.
