Foto: Akorda.kz
Qazaqstan Prezidenti QHR-ǵa resmi sapary aiasynda SINOPEC kompaniiasy direktorlar keńesiniń tóraǵasy Ma Iýnshenmen kezdesý ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Áńgimelesý barysynda ózara yntymaqtastyq jáne munai-gaz himiiasy men energetika salalaryndaǵy birlesken investitsiialyq jobalardy júzege asyrý perspektivalary talqylandy.
Qasym-Jomart Toqaev SINOPEC kompaniiasynyń polietilen óndirisi jobasyna tolyqqandy seriktes retinde qatysýy Qazaqstannyń atalǵan kásiporynmen ornyqty yqpaldastyǵynyń aiqyn dáleli ekenin atap ótti. Qazaqstan munai-gaz himiiasyna qatysty álemdik deńgeidegi mundai aýqymdy jobany buǵan deiin júzege asyrmaǵan. Jobanyń jalpy quny – 7,7 milliard dollar.
– Biz kompaniianyń Qazaqstan men Qytai arasyndaǵy ekijaqty qarym-qatynasty damytýǵa, sondai-aq elimizdiń munai-gaz salasyna qosqan úlesin joǵary baǵalaimyz. Sizdiń kásipornyńyzben yntymaqtastyqty nyǵaitýǵa múddelimiz ári Sizdiń kompaniiany Qazaqstannyń strategiialyq seriktesi dep sanaimyz, – dedi Memleket basshysy.
Óz kezeginde Ma Iýnshen Memleket basshysyna kompaniianyń 2024 jyldyń ekinshi jartysynda zaýyt qurylysyn bastaýǵa niettenip otyrǵanyn aitty. Sondai-aq Atyraý munai óńdeý zaýytynyń bazasynda taǵy bir strategiialyq jobany júzege asyrý – tereftal qyshqyly men polietilentereftalat óndirisi keshenin salý josparyn jetkizdi.
– Biz osy jobanynyń damýyna úlesimizdi qosqymyz keledi. Bul jobaǵa airyqsha mán beremiz, – dedi Ma Iýnshen.
Budan bólek, kezdesýde geologiialyq barlaý jáne jer qoinaýyn paidalaný, sondai-aq atalǵan baǵytta zamanaýi tehnologiialardy qoldanýǵa qatysty yntymaqtastyq máseleleri qarastyryldy.
