Memleket basshysy Sheteldik investorlar keńesiniń músheleri – munai-gaz kompaniialarynyń basshylarymen beinebailanys arqyly kezdesý ótkizdi. Otyrysta elimizdegi munai-gaz salasynyń investitsiialyq tartymdylyǵyn arttyrý men odan ári damytý sharalary jan-jaqty qaraldy, dep habarlaidy "Ult aqparat" Aqordaǵa silteme jasap.
Jiynǵa Premer-Ministrdiń orynbasary Roman Skliar, Eni S.p.A., Royal Dutch Shell, INPEX Corporation, Chevron, Exxon Mobil, CNPC, Total E&P siiaqty iri munai-gaz kompaniialarynyń basshylary qatysyp, sóz sóiledi. Eni S.p.A. kompaniiasynyń Ortalyq Aziia aimaǵy boiynsha basshysy Lýchano Vaskes kezdesýdi moderator retinde júrgizip otyrdy.
Prezident otyrystyń ashylýynda munai-gaz sektory elimizdiń jalpyulttyq damýynda árqashan mańyzdy ról atqarǵanyn, tehnologiialyq ózgeristerge qaramastan, bul sala el ekonomikasynyń qozǵaýshy kúshi bolyp qala beretinin atap ótti. Qasym-Jomart Toqaevtyń aitýynsha, Qazaqstan munaiǵa bai memleket retinde bar áleýetin meiilinshe tiimdi paidalanýǵa mindetti.
Memleket basshysy Keńes pen Úkimet músheleriniń aldyna birqatar mindetter qoidy.
Prezident eldiń ekonomikalyq ósimin qamtamasyz etý úshin Teńiz, Qashaǵan jáne Qarashyǵanaq ken oryndaryn keńeitý boiynsha jobalardy der kezinde júzege asyrýdyń mańyzdylyǵyn atap ótti. Osyǵan bailanysty Teńiz ken ornyn keńeitý jónindegi jobanyń qurylys jumystary 20 paiyzǵa keshigip jatqanyna alańdaýshylyq bildirip, Úkimetke joba operatorymen birlese otyryp, jumystardy aiaqtaý merzimin keshiktirmeýdi tapsyrdy.
Sonymen qatar Qasym-Jomart Toqaev Qashaǵan ken ornyn igerýdiń keleshegi týraly aitty. Prezident munai óndirýdi táýligine 1,1 million barrelge deiin ulǵaitý boiynsha jumystyń úshinshi kezeńin júzege asyrýdyń naqty josparyn jasaý qajet ekenine toqtaldy.
Memleket basshysy investitsiia salýdyń jańa tetikterin ázirleýdi, atap aitqanda, jetildirilgen modeldik kelisimshart týraly aitty. Bul qujat investitsiialyq preferentsiialarǵa kepildik bere otyryp, olardyń quqyqtyq jaǵynan qorǵalýy men turaqtylyǵyn qamtamasyz etedi. Osyǵan bailanysty Úkimetke fiskaldyq basymdyqtar paketin anyqtaýdy jedeldetýdi jáne jyldyń sońyna deiin zańnamalyq normalardyń qabyldanýyn qamtamasyz etýdi tapsyrdy.
Sonymen qatar Prezident Keńes múshelerin investorlarǵa jer qoinaýyn geologiialyq zertteýden barlaý jáne óndirý jumystaryna kóshýge kepildik beretin Kelisimniń ázirlenip jatqanynan habardar etti.
Qasym-Jomart Toqaevtyń aitýynsha, jahandyq investitsiialarǵa talas kezinde investitsiialyq sheshimderdi jedel qabyldaýdyń strategiialyq mańyzy artady. Osyǵan bailanysty ol memlekettik organdarǵa investorlardyń ótinishteri men suraqtaryna qolaily ári jedel jaýap berý qajet eken atap kórsetti.
Memleket basshysy «bir tereze» qaǵidaty boiynsha qyzmet kórsetetin Vedomstvoaralyq front-ofis qurý týraly kelisim jasalǵanyn málimdedi. Prezident bul front-ofiske salalyq ministrlikter basshylarynyń orynbasarlary kiretinin jáne ony energetika ministri basqaratynyn aitty.
Sondai-aq Qasym-Jomart Toqaev qoldanystaǵy munai-gaz ken oryndarynda gaz óńdeý qýatyn arttyrýdyń mańyzdy ekenin atap ótti.
– Bul turǵyda Qashaǵandaǵy gaz óńdeý zaýyty qurylysynyń der kezinde bastalǵany mańyzdy oqiǵa boldy. Úkimet «Samuryq-Qazyna» Ulttyq ál-aýqat qorymen birlesip, jańa gaz óndirý jobalary úshin jer qoinaýyn paidalanýshylardan gaz satyp alatyn baǵanyń yntalandyrý formýlasyn jasady. Sondyqtan sizderdi taýarlyq gaz óndirisin ulǵaitý boiynsha jobalardy iske asyrýǵa atsalysýǵa shaqyramyn, – dedi Prezident.
Memleket basshysy kómirsýtegi shikizattaryn tereń óńdeýdi damytýdy mańyzdy mindet retinde atady. Prezident gaz-himiia jobalaryna kógildir otyn qoldaný ónerkásiptiń shikizattyq baǵytyn tómendetedi dep paiymdaidy.
Qasym-Jomart Toqaev munai-gaz jobalarynda qazaqstandyq úleske basymdyq berý qajet ekenine nazar aýdardy.
Memleket basshysy qazaqstandyq jáne sheteldik kompaniialar arasyndaǵy tehnologiialyq kooperatsiialardy nyǵaitý aiasynda Chevron, Total, Eni, ExxonMobil, Agip siiaqty iri kásiporyndardyń qoldaýymen qurylǵan Munai-gaz mashinalaryn jasaýdy damytý halyqaralyq ortalyǵynyń qyzmetin atap ótti. Úkimetke halyqaralyq ozyq tájiribege súiene otyryp, tiimdi tehnologiialar transferti júiesin qurý tapsyryldy.
Qasym-Jomart Toqaev kezdesý sońynda qatysýshylardyń usynystaryna toqtalyp, Úkimetke jyldyń sońyna deiin zańnamalyq normalardyń qabyldanýyn qamtamasyz etýdi, kóterilgen barlyq másele boiynsha atqarylǵan jumystar týraly tolyq esep berýdi tapsyrdy.
Sonymen qatar Memleket basshysy daýly máselelerdi sheshý úshin sheteldik platformalarmen qatar Astana halyqaralyq qarjy ortalyǵynyń arbitrajdy sotyn da paidalanýǵa bolatynyn aitty. Sondai-aq birlesip jumys isteýdi jalǵastyra berýge jáne elimizdegi investitsiialyq ahýaldy jaqsartýǵa múddeli ekenin jetkizdi.
