Foto: atameken.kz
Prezident memleket jáne qoǵam qairatkeri Sergei Tereshenkonyń otbasyna kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev kórnekti memleket jáne qoǵam qairatkeri Sergei Tereshenkonyń qaitys bolýyna bailanysty onyń otbasy men jaqyndaryna kóńil aitty.
– Sergei Aleksandrovich eńbek jolynda kolhoz injenerinen bastap Qazaqstan Respýblikasy Úkimetiniń birinshi tóraǵasyna deiingi kásibi belesterden ótti. Onyń basshylyǵymen Qazaqstan táýelsizdik alǵan jyldary aýqymdy áleýmettik-ekonomikalyq reformalar ázirlenip, júzege asyryldy. Belsendi qoǵam qairatkeri jáne kásipker retinde S.Tereshenko elimizdiń damýyna, beibitshilik pen kelisimdi nyǵaitýǵa ólsheýsiz úles qosty. Erekshe sińirgen eńbegi úshin «Qazaqstannyń Eńbek Eri» joǵary ataǵymen, basqa da memlekettik nagradalarmen marapattaldy, – delingen jedelhatta.
