Sýret: baq.kz
Senat memlekettik qyzmet máseleleri boiynsha keibir zańnamalyq aktilerge ózgeris engizýdi kózdeitin zańdy qabyldady. Oǵan sáikes, Prezident seniminen aiyrylǵan memlekettik qyzmetkerler jumystan shyǵarylady, dep habarlaidy Sputnik Qazaqstan.
Memlekettik qyzmet isteri agenttiginiń tóraǵasy Darhan Jazyqbaevtyń aitýynsha, bul normany tek Prezidenttiń ózi ǵana qoldanady. Sebebi seniminen shyqpaǵan memlekettik qyzmetkerdi ózi taǵaiyndaidy.
"Mysaly, qazir bizde saiasi memlekettik qyzmetshiler óz qalaýymen ketedi nemese Prezidenttiń sheshimimen otstavkaǵa jiberiledi. Al "senimdi joǵaltty" degen uǵym zańda bolmaǵan. Sondyqtan aldaǵy ýaqytta ózine júktelgen mindetin oryndamaǵan memlekettik qyzmetker "senimdi joǵaltty" degen normamen jumystan ketedi. Sondai-aq 3 jylǵa deiin memlekettik qyzmette jumys isteýge tyiym salynady ", - dedi Jazyqbaev jýrnalisterge bergen suhbatynda.
Agenttik tóraǵasynyń sózine qaraǵanda, otstavkaǵa ketken sheneýnik basqa jerge op-ońai jumysqa tura alady. Al seniminen aiyrylsa, úsh jyldyq shekteý bolady.
Aita keteri, búgin Senat zańdy birden eki oqylymda maquldady. Zańda rotatsiia júrgizý sharalary da qarastyrylǵan. Oǵan sáikes, memlekettik qyzmetkerler óńirlerge baryp jumys isteidi.
